南極洲係一塊響南半球嘅大洲。未發現之前，人都以為嗰度係汪洋一片。嗰度係世界上至凍嘅地方。
南極洲係最南嘅大洲，南極就響佢上面。平均來講，響各大洲之中，係至凍，至乾，至大風嘅地方。平均高度都係最高。佢98%都係畀冰冚住，面積有14 000 000平方千米。除咗海邊，成個地方都係好少降水，所以技術上來講係沙漠，重係世界上最大嘅沙漠。響上面無恆常嘅人住，只有一啲抵得冰嘅動植物先會生存到，好似企鵝，海狗，苔蘚，地衣，同幾種水藻。