香港最初嘅紙幣係由1845年喺香港成立嘅東藩匯理銀行發行。喺1935年政府通過貨幣條例之前，好多銀行都有發行銀紙，但係呢啲銀紙主要用做商業上嘅交易。政府只係接受部份特許銀行嘅銀紙做合法通貨。1935年之後，政府授權銀行">香港上海滙豐銀行、銀行">有利銀行（後嚟畀香港上海滙豐銀行收購咗）同埋印度新金山中國匯理銀行（後嚟輾轉改叫做銀行">渣打銀行）發行5蚊以上嘅港元紙幣。而面額1蚊同之下嘅港元紙幣就由香港政府發行。香港政府喺1976年發行5蚊硬幣（一般叫做「銀」）之後，5蚊紙就停止發行。由1993年開始，政府發行10蚊銀，滙豐銀行就從此冇再發行10蚊紙，渣打銀行雖然繼續發行10蚊銀紙，但係喺1995年之後就唔再出10蚊銀紙。後嚟，1994年銀行">中國銀行亦都做咗香港一間發鈔銀行。
政府原本嘅意思係用10蚊硬幣嚟代替10蚊銀紙，但係市面上好多人都需要用10蚊銀紙：一嚟因為10蚊硬幣好重，二嚟每逢過農曆新年嗰陣，唔少人都鍾意用新銀紙嚟封利是，而為咗唔好畀人覺得寒酸，好多人都只係會喺利是封放銀紙而不放硬幣。不過，自從金融風暴">亞洲金融風暴以嚟，香港經濟越嚟越差，所以唔少人都叫政府出番10蚊銀紙。另外，又因為10蚊硬幣好容易偽造，喺發行之後幾年嚟政府同銀行都收到唔少假銀，中間仲有幾多單大量生產嘅畸士。所以政府喺2002年開始，再次由金融管理局出10蚊銀紙，但係另一方面，滙豐銀行同渣打銀行唔再發行10蚊銀紙之後，開始大量發行20蚊銀紙。而家用紙幣編號嚟計，20蚊紙發行量最多，其次係100蚊紙。
政府喺1995年之前曾經發行1仙嘅銀紙，係為咗方便找錢同埋用嚟交公共服務賬單嘅仙額。呢啲銀紙喺1995年10月1日之後就唔再被接受做合法貨幣。
而家香港紙幣嘅發鈔銀行有3間，分別係：
另外有啲新款十蚊紙，係由香港金融管理局發行。2007年，當時財政司司長唐英年先生公佈嗰年7月9日將發行十蚊膠銀紙，係香港第一次發行塑膠銀紙；第一批發行嘅有五千萬張。膠銀紙票任搣、任扯都唔會爛，可以放入洗衣機；印製嘅成本雖然高過紙幣四成，但係壽命就比紙幣長三倍，兼可以循環再造，唔駛好似紙幣咁要送去堆填區。膠銀紙更加耐用和乾淨；票面係光面嘅，塵、污垢等微粒都無得內藏。
值得注意嘅係，香港所有銀紙嘅式樣都有版權。所以，咩嘢人喺未攞到版權持有人嘅許可之前，都唔可以亂咁抄銀紙嘅式樣。多年以嚟，喺香港有幾間機構因為未攞到銀紙版權持有銀行嘅批准，而喺廣告上面抄銀紙嘅式樣，結果被判要畀鉅額罰款。
滙豐銀行；
銀行 (香港)">渣打銀行 (香港)（2004年5月28日修訂《法定貨幣紙幣發行條例》，由嗰年7月1日開始廢除渣打銀行為發鈔銀行，而代以渣打銀行（香港）有限公司）；同埋
中國銀行（香港）（2001年9月21日修訂《法定貨幣紙幣發行條例》，由嗰年10月1日開始廢除中國銀行為發鈔銀行，而代以中國銀行（香港）有限公司） 紙幣
1997年香港主權移交之前，市面流通硬幣（1毫、2毫、5毫、1圓、2圓、5圓）上鑄有英女皇頭像，有一排成為咗收藏對象。由1993年開始，政府逐漸收返舊硬幣，用背面鑄有香港市花洋紫荊嘅新硬幣嚟代替，又推出俗稱「金銀閏」嘅10蚊硬幣(只係喺1994年同1995年發行)。但係英女皇頭硬幣仍然係合法貨幣，同新硬幣同時流通。
幣值有：
根據香港《硬幣條例》規定，市民可以唔接受用細過1蚊嘅硬幣，畀超過2蚊嘅錢；或者用1蚊或大過1蚊嘅硬幣，畀超過100蚊嘅錢。不過講到尾，商戶受唔受硬幣做畀某啲商品或者服務嘅費用，純粹係商業決定。
硬幣
花名澳門幣
Habibi