十三么係一個麻雀術語，佢係打麻雀其中一種餬牌形式，但同一般「四搭一對」－即係四組搭牌加一對眼嘅形式唔同，十三么完全唔跟呢個格式。十三么有好多唔同嘅稱呼，例如叫「十三太保」、「十三龍門」，而喺日本麻雀入面就叫做「國士無雙」，國士即係指國家入面最優秀嘅人，而無雙即係獨一無二，形容十三么組合入面，有齊一副麻雀入面每一種牌。

十三么組合
既然叫得做「國士無雙」，就係因為十三么有齊一副麻雀入面每一種牌。一副十三么嘅組合，係：
「東南西北」、「中發白」各一隻，么即係指頭尾，一筒九筒、一索九索、一萬九萬，呢十三隻牌再是但加一組眼，咁就算係一副可以食餬嘅十三么組合。
加一對眼
而台灣麻雀由於打十六章（十六隻牌），所以十三么組合會有啲唔同，除咗要齊「東南西北」、「中發白」，「么九」各一隻，另外要再加多一組搭子先算。