吉儀係喺舉行葬禮儀式嘅時候，亡者嘅家屬預備畀返嚟參加葬禮親友嘅回禮，因為一般嚟講去得弔唁嘅親友都會送花牌或者畀帛金作為對亡者嘅一點悼念心意，所以家屬方面會有哩個回禮嘅手續。
吉儀係一個白色嘅信封，中間通常都會有一條打直嘅紅色條，上面有藍色嘅「吉儀」兩個字，每封吉儀裏面會放一粒糖、一張紙巾（以前多數會用毛巾仔），同埋一個一蚊嘅銀仔。
吉儀裡面嘅紙巾係畀親戚朋友用嚟抹因為離別嘅傷痛而流嘅眼淚。吉儀封裏頭嘅糖，係希望食咗嘅親友可以減輕掛住死者嘅痛「苦」，有叫人折哀順變嘅意思。吉儀內嘅一蚊銀就用嚟表示謝意，亦有講法話係因為以前一蚊只係足夠搭一程車，攞個「唔會返轉頭」、「冇下次」嘅意思。
習俗上，封吉儀同埋入面嘅嘢係唔可以帶返屋企嘅，如果唔係就會將啲唔吉利同埋衰運帶返屋企咁話。糖可以食咗佢或者舐一啖先掉咗，嗰個一蚊就要快快趣駛咗佢或者捐出去，其他嘢就要全部掉哂佢先至可以返屋企。

加州海獅(Zalophus californianus)係一種原產北太平洋既海獅品種。雄性長大後可達2.4米(即8尺)長，重300公斤；雌性就細隻啲，長大後有2米(6.5尺)長，100公斤重。

繁殖動向
加州海獅群可以話係最大型既哺乳動物群之一。雄性海獅響6月頭就會建立地盤。雌性就要響6月中先嚟到，一兩日後就生仔。海獅仔大約一個禮拜大時，成年既海獅又可再次交配。加州海獅既奶亦係所有哺乳動物當中不含乳糖成份既。
香港海洋公園現時所飼養既加州海獅，有部分經馴服後被用嚟做表演。

澳洲，全名叫澳大利亞聯邦（Australia），係南半球一國。面積來計，澳洲係全世界排第六。澳洲由世界上最細嘅大陸：澳洲大陸，加上一啲喺太平洋、印度洋同埋南極洋嘅島嶼組成。喺佢嘅東南面係新西蘭、北面有巴布亞新畿內亞同埋東帝汶，印度就喺西北面。「澳大利亞」一詞，原自拉丁文中terra australis incognita，即係「未知嘅南方大陸」咁解。
澳洲大陸喺四萬年前就已經有原住民澳洲人喺度住。直至1770年，英國聲稱澳洲大陸嘅東部係佢哋嘅領土。1788年正式成為英國嘅殖民地新南威爾斯，而且係囚犯流放地。之後至到十九世紀，人口開始上升，大陸其他地方都被探索，另外五個自治殖民地相繼成立。
喺1901年1月1日，六個殖民地合併咗，成為澳大利亞聯邦。自此澳洲一直喺英聯邦之內，以英國王室為國家元首。
澳洲嘅首都係坎培拉，但人口多集中喺各個州嘅首府，主要喺悉尼、墨爾本、布里斯本、柏斯同埋阿德萊德。

國土面積：{{{國土面積數據}}}平方公里（世界第{{{面積排名}}}名）
水域率：1%
總人口：{{{總人口數據}}}（世界第{{{人口排名}}}名）
人口密度：{{{人口密度數據}}}/km（世界第{{{人口密度排名}}}名）
元首：[[澳洲{{{國家元首職稱}}}|{{{國家元首職稱}}}]]：{{{現任國家元首名字}}}
政府首腦：[[澳洲{{{政府首腦職稱}}}|{{{政府首腦職稱}}}]]：{{{現任政府首腦名字}}} 行政區

外交

《天下無賊》係中國同香港合作嘅電影作品之一，係喺2005年農曆新年嘅賀歲電影。

背景及簡介
喺大有錢佬劉總裁屋企，英語老師王麗喺度教緊劉總英文">英文，點知哩個劉總見王老師幾靚女，就襯老婆唔喺屋企想乘機侵犯，點知俾一直暱喺廁所嘅王薄用攝錄機偷拍哂；原來王薄同王麗係一對雌雄大盜，佢哋影底咗劉總想偷食嘅罪証，成功咁敲詐咗一架寶馬房車。
佢哋兩個駕住哩架寶馬一直穿州過省，想話賣咗佢賺返一筆錢；沿途上王麗突然提出話想收山唔再做賊，但王薄反對。當佢哋駕車去到青藏高原一個廟城附近時，王麗想落車去拜拜神，王薄亦無不可，就陪咗佢入去。王麗一個人虔誠參拜，但係王薄就好似入咗寶山咁，將嚟到參拜嘅善信袋裡面嘅手提電話">電話同埋財物都偷哂喺手；期間遇到個冷艷女子都喺度偷緊嘢，於是王薄就上前去挑戰，仲乘機偷走咗哩個女子啱啱偷返嚟嘅手機。離開之後，王薄向王麗展示成袋嘅戰利品，但係王麗想積陰德唔想再做賊，於是提出要同王薄拆伙，王薄一怒之下就將王麗放落車，賴底佢喺高原度就自己駕車走咗去。
王麗一個人喺一片荒漠度四圍蕩，一個早前喺廟城度幫廟宇翻新嘅小師傅傻根踩住單車經過，見到王麗口乾求救，於是落車俾水佢飲，仲載佢去到近城鎮嘅地方；落車時王麗諗住俾啲錢傻根多謝佢，傻根拒絕不特止，仲送咗個高僧送俾佢嘅降魔杵吊墜俾王麗保平安。
傻根係一個正直嘅青年，十六歲就憑住家傳手藝嚟到廟城跟一個鄉里大叔做修揖廟宇嘅工作；佢覺得自己已經廿一歲，係時候要返鄉下成家立室，於是問一直照顧佢嘅大叔一路以嚟嘅工作賺咗幾多錢，大叔搵會計計過條數，話幫傻根儲咗六萬元人民幣，傻根就要求大叔幫佢提款，俾佢拎啲錢返鄉下起屋娶老婆。大叔拎住包錢俾傻根，提議傻根搵郵局幫手送錢返鄉下，但係國家規定運錢郵費要收總額嘅一個巴仙(1%)，咁即係大概六百元；傻根覺得六百元可以買隻驢仔拉吓車推吓磨，點解要無端端將啲血汗錢俾人，於是想自己親手帶住啲錢返去，但係大叔話沿途會有好多賊好危險，隨時會俾人搶哂啲錢，可惜傻根個人太直，覺得哩個世界唔會有咁多賊，冇咁容易俾人打劫，於是一意孤行咁帶住啲錢起程。
幾個大叔送傻根去到火車站，傻根因為唔信會有咁多賊，傻到喺月台大嗌叫賊嚟搶佢袋裡面嘅錢，點知撞到王麗同王薄；王薄已經賣咗架寶馬，因為唔放心王麗一個人，於是就跟咗佢嚟火車站，仲應承以後會同佢形影不離。王薄同王麗一聽到傻根身上面有巨款，於是即刻要傻根跟住佢哋一齊坐，不過喺兩個人嘅心裡面，其實各自嘅諗法已經有所不同：王薄想將傻根嘅錢據為己有，但係王麗覺得傻根係正直嘅人，希望沿途可以保護佢唔好俾其他人搶走佢啲錢，後來仲認咗佢做契細佬（義弟）。不過哩個時候，傻根先前大叫搵賊嘅愚蠢行為除咗俾王薄王麗知道佢身懷巨款之外，亦已經招惹咗另一班假扮旅行團">旅行團嘅爬手集團嘅注意。
火車離開咗車站，而喺火車嘅貴賓包廂裡面，一個冷艷嘅年輕女子正喺度幫一個老人家清除緊佢嘅面部化粧，佢就係先前喺廟城度俾王薄反偷手提電話">手提電話嘅女賊，叫做小葉；而嗰個老人家嘅化粧清除咗之後，露出嘅係一副威嚴兼且帶啲奸狡嘅中年男人面孔，原來佢就係哩班扮扒手集團中嘅最高領導賊頭子－－－胡黎，因為佢嘅扒竊手法十分高明兼且乾淨利落，因此同道中人都會尊稱佢做黎叔。黎叔因為之前俾王薄發現咗佢假扮老人家嚟接近傻根，覺得王薄有啲料子係一個可用嘅人才，所以傳令俾手下知叫佢哋哩程車裡面都唔好再搞傻根，想藉住順水人情（將傻根嘅錢讓俾王薄）嚟招攬王薄幫佢賣命。
黎叔嘅手下雖然得到命令哩趟車唔准「打獵」，但正所謂「聞到肉香嘅狼，點會唔發狂」，面對咁大隻肥羊，終於忍唔住而要出手；賊二哥胖子聯同黎叔愛將四眼一齊出動，襯住傻根行咗出嚟通道去廁所，先先整到好唔覺意咁將杯好熱嘅滾水潑喺傻根身上，然後詐諦要幫傻根換衫，再乘機偷傻根袋裡面用羊皮紙包住嘅錢，好彩哩個時候王薄及時趕到一手按住個袋，而四個人就喺一個狹窄嘅通道裡面推來攘去，當王薄同兩個賊幫過咗幾招得勝之後，啲錢幸保不失，王薄同傻根兩個安然咁返返埋佢哋嘅卡位。
坐喺王薄佢哋另外一邊卡座嘅係一個男嘅畫畫老師同埋佢嘅一個女學生，突然間畫緊畫嘅畫畫老師發現唔見咗個銀包，而其實佢個銀包一早喺車站就俾王薄扒咗，於是大嘆倒霉。傻根睇到人哋俾賊仔偷咗嘢雖然都覺得無奈，但係佢仍然覺得哩個世界係唔會有咁多賊，因為佢覺得，之前喺高原嗰陣成日都對住啲狼同佢哋傾計，啲狼都冇襲擊佢，仲建立咗微妙嘅友誼；連出名嗜殺嘅狼都唔會傷害佢，所以佢覺得：唔通人仲會衰得過狼？
王薄唔抵得班賊出手挑釁，於是拎住隻熟蛋走入貴賓餐廂諗住搵黎叔佢哋，咁啱黎叔同小葉，胖子同四眼喺度食緊嘢，於是王薄搵咗斜對面嘅一個位坐低，洋洋自得咁向黎叔露咗一手「空杯退蛋殼」，黎叔好欣賞咁坐埋咗王薄張檯，亦表演返一手「指甲批生蛋殼」，技術更高超；黎叔借住機會提出要王薄跟佢搵食，但王薄話自己不嬲係獨行俠，所以拒絕，仲當場篤咗胖子同埋四眼出嚟，話佢哋冇照黎叔命令出咗去「打獵」。返到貴賓車廂，黎叔發哂脾氣要責怪四眼，點知原來四眼都係聽到胖子講話係黎叔吩咐先咁做，黎叔心裡有數，但係念在兩個都幫得手，就冇去罰佢哋。不過黎叔覺得，既然王薄唔肯為佢賣命，班兄弟又忍唔住手，於是直頭吩咐小葉出動去扒傻根嗰六萬元。
深夜時份，普通車廂裡面差唔多個個都瞓哂，小葉嚟到坐咗喺畫畫老師後面個位預備郁手，佢將點著咗嘅唇膏頭彈咗入一個男人嘅衫袋裡面搞到係咁冒煙，嚇到個男人紥醒大叫火燭；哩個時候王薄唔喺位，得返王麗同傻根一齊，傻根見有人喊火燭就自告奮勇衝過去滅火，王麗按佢唔住，混亂間傻根袋裡面嗰舊錢就俾小葉掉咗包變成咗包紙巾。小葉扮成大肚婆諗住避開王薄王麗嘅耳目，點知都俾王薄識穿，過咗幾招之後王薄終於搶返包錢，小葉襯機會想勾引王薄，但係王薄始終唔過電。
因為保護唔到傻根嘅錢，王麗覺得好沮喪，王薄返到嚟就話既然傻根個身冇錢即係冇危險，不如落車唔好理咁多；中途站落車之後，王薄透露俾王麗知佢其實已經搶返包錢，勸王麗唔好理傻根，等佢面對現實唔好沉醉喺天下無賊嘅夢入面；王麗大發脾氣，於是話俾王薄知因為佢有咗BB，想積返啲德，所以先至去拜佛同埋保護傻根；王麗拎返包錢俾傻根，然後唔理王薄，自己同傻根上返車。火車又再開動，冇幾耐王麗個手提電話">手提電話嚟咗個短訊，王薄話：「有我在你放心。」
王薄一個人喺酒吧車廂坐，小葉就嚟挑釁佢，諗住同王薄比試，點知表面上贏咗王薄，其實就中咗王薄嘅迷藥圈套。後來胖子同四眼又嚟搵王薄比試膽量，佢哋走咗上車頂，王薄就提議大家企直，如果邊個喺架火車入隧道之前唔縮低頭就贏；胖子自己唔敢上，就叫四眼出戰，哩個時候黎叔靜靜雞喺上車頂嘅鐵梯度暗中睇住戰果，可惜四眼喺臨到隧道口嘅一刻就縮低咗頭，而王薄就輕描淡寫咁仰頭避過撞隧道頂嘅危險。不過當一出隧道之後，胖子唔抵得輸就向王薄偷襲，王薄一跌低黎叔突然出手，搞到王薄跣咗去車嘅一邊差啲跌咗落車，黎叔及時捉住王薄隻手，但係哩個時候架火車喺條鐵橋上面，而腳下就係好深嘅山谷；黎叔冇乘人之危，拉返王薄上嚟之後就同佢打賭，要喺架車到站之前將傻根嘅錢偷到手。
黎叔親自去到普通車廂，坐低喺另一面卡位陰陰咀笑咁望住王薄，忽然廣播話有人急需要大量血液，要搵人捐血，傻根又自告奮勇要去捐血，王薄冇佢符，於是就陪佢去；喺條通道行緊嘅時候，有個阿伯喺頭頂個架度攞嘢唔小心整跌咗個鐵水壺，眼見個水壼會跌中個嬰兒嘅頭上，王薄一伸手就接咗個水壼，但就喺哩個電光火石嘅一刻，佢同傻根嘅距離就拉遠咗；同一時間火車再次入隧道，喺冇乜光線底下王薄知道出事，佢發現傻根個袋得張紙話佢輸咗，就冇哂心機咁返埋位。點知四眼俾黎叔一睇嗰包錢就即變哂口面，原來成包都係陰司紙！黎叔認為王薄出古惑就好唔高興，正想離開普通車廂時，有三個幪面劫匪持斧頭同鳥鎗衝咗入嚟要打劫，點不知個肥劫匪搜畫畫老師個女同學嘅身時摸到把手鎗，先發現原來佢哋係反扒大隊嘅警察，跟住幾個劫匪連同一眾扒手集團全部俾警察拘捕哂，而原來三個幪面劫匪嘅領導就係一早懷有異心嘅賊二哥胖子。
貴賓車廂裡面，黎叔俾小葉出賣亦都俾警察捉埋，而王麗王薄就去到醫療室陪住因為失血而暈咗嘅傻根；反扒大隊隊長（畫畫老師）入嚟同佢哋表露身份，話已經知道咗佢哋係劫寶馬嘅通緝犯，除咗喺佢哋嘅行李度搜返個銀包出嚟，仲表示其實傻根包錢係佢喺滅火嘅時候掉包，講完就將舊錢塞返入傻根個袋入面。反扒隊長見佢哋都唔壞得哂，就由得佢哋係車廂裡面傾多陣，等車埋站先帶佢哋走。
王薄為咗唔想個仔係監獄度出世，於是襯車未到站，就帶住王麗喺天窗度出去諗住跳車走佬，點知喺車廂同車頂之間嘅通風槽度遇到想用同樣方法走佬嘅黎叔，只見黎叔手上拎住傻根包錢，原來佢襯王薄佢哋出咗嚟，就乘機用鐵勾勾咗包錢上嚟；王薄叫王麗走先，跟住返轉頭同黎叔決鬥，最終包錢亦物歸原主返返傻根身邊，哩個時候火車亦都到站。黎叔落車時化哂粧諗住襯亂逃走，但係最終都瞞唔過反扒隊長，俾人逮捕咗，而王薄就被發現死喺車頂嘅通風槽裡面，死因係俾支細鐵勾刺中頸部失血過多。
幾個月之後，喺北京嘅一間餐館裡面，少少見肚嘅王麗正喺度食緊北京片皮鴨，因為有咗身孕，所以食量特別大，係咁食係咁食；哩個時候反扒隊長嚟到，將王薄嘅死訊話俾王麗知，仲鼓勵佢唔好對個BB隱瞞老豆係咩人，因為，佢好欣賞王薄為傻根而付出性命嘅情操。

六月廿五係黃曆六月嘅第廿五日。

大件事
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

八月初二係黃曆八月嘅第二日。

響呢日死嘅人

四月廿七係黃曆四月嘅第廿七日。

大件事
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

來源
媽媽通常係雌性，係仔女對由肚裡面生佢哋出嚟嘅人嘅稱呼。不過有時候，就算唔係由哩個人親自生出嚟，但係哩個人獻出咗養育之恩，咁被佢養育嘅人都可以叫佢做媽媽。
如果親生媽媽離咗世或者離咗婚而唔再同爸爸一齊，但係爸爸就娶咗另一個女人，咁哩個女人就會成為啲仔女嘅「繼母」(俗稱「後母」或者「後底乸」)。

母愛
人類對於一個有感情嘅地方或者有感情嘅事物，甚至敬拜嘅神靈等等，都可以用母親嘅名號嚟稱呼，好似：
至於水母（又叫「白蚱」），佢並唔屬於阿媽哩個欄目嘅嘢，而係一種無脊椎嘅水中軟體生物嘅名稱，千奇唔好誤會而搞錯。

母地：　即係家鄉（英文係 Motherland），存在咗孕育之恩嘅情感。
聖母瑪莉亞：　天主教及基督教嘅聖經入面講，經聖靈欽點而生出神之子耶穌（Jesus Christ）嘅女人。因為聖經典藉話佢係由古到今唯一完全冇原罪嘅人，於是成為咗世人之母。
皇母娘娘：　又叫天后娘娘，道教裡面嘅神靈，係喺天界上面玉皇大帝身邊嘅皇后。
母校：　即係曾經就讀過嘅學校。
母會：　通常係用嚟講運動員出身嘅屬會。
外母：　話係另類係因為佢唔屬於一個人本身直系親屬列表裡面嘅人，亦都冇養育之恩，但係又好有親戚關係；佢就係一個男人對佢老婆嘅阿媽嘅稱呼。至於一個男人對佢嘅外母有冇感情則係好個別，冇得深入討論；但係跟據「愛屋及烏」嘅道理，唯有計佢係有感情嘅對象。

如果急住要用嘅話，可以參考破網、伺服器">代理伺服器，哩個問題可能同中國網絡審查有關。
六四事件係中國八九民主運動嘅結局，係關於1989年6月4號中國人民解放軍暴力鎮壓響北京天安門學生運動。六四事件又叫 六四風波、六四屠殺、天安門屠殺、天安門事件或者就咁六四；而八九民主運動又叫做八九民運、八九學運、八九學潮、中國官方稱之為動亂，反革命暴亂，風波。

八九民主運動
關於死傷情況，一般認為死傷主要發生喺軍隊往天安門推進途中，但對於天安門廣場內嘅死傷情形，則有唔同嘅講法。柴玲6月8號嘅錄音講話提到，「有人說同學死咗二百幾人，亦有人話整個廣場已經死咗四千幾。具體嘅數字到依家我都唔知道。」中共政府喺六四發生以後，多次通過發言人同軍隊嘅官員喺電視上否認6月4號天安門上死咗一個人。但係當時嘅北京醫院卻都人滿為患。至今，中共政府都無公佈六四死亡人數及名單。丁子霖教授因為佢自己17歲嘅仔蔣捷連都在6月3號晚間被槍殺，所以佢自己開始同死難者家屬聯繫，收集六四死難者名單。2006年6月為止，由原本嘅155位，加到186位。
根據錄像資料同中國官方記載，當戒嚴部隊抵達天安門廣場時，廣場內仍有數千學生留守喺紀念碑附近唔肯走，被軍隊包圍後強制解散。劉曉波被拘捕後，在中國中央電視台說：「未曾看見軍隊向廣場上嘅學生開槍」（大意）。針對柴玲嘅講法，一直喺天安門廣場留守到最後一刻嘅台灣歌手侯德健喺紀錄片《天安門》中講道：「事實還唔夠麼？為什麼要用謊言對抗謊言？」。然而，丁子霖喺尋訪死難者時發現，清場過程中軍隊曾經向廣場內學生開槍重殺死咗學生，如中國人民大學學生程仁興，被戒嚴士兵亂槍打死喺廣場中心嘅國旗桿下；北京農業大學園藝系碩士研究生戴金平，喺紀念堂附近被槍殺。
據當時北京市市長陳希同喺《關於制止動亂同平息反革命暴亂嘅情況報告》稱「在幾天嘅暴亂中」「戒嚴部隊戰士、武警戰士、公安干警負傷六千多人，死亡數十人」「有三千多名非軍人受傷，二百餘人死亡，包括三十六名大學生。」中共控制嘅新聞媒體發表過有尐解放軍官兵被憤怒嘅群眾焚燒以後嘅錄像同照片。死亡嘅軍人，後來被中央軍委授予「共和國衛士」嘅稱號，共十人，其中六人係喺長安街翠微路口轉彎時因車速過快而翻車，油箱擦地起火死亡。海外媒體嘅報導則多稱死亡人數在千人以上，戒嚴部隊死咗十幾人。多數北京市民同學生同獨立媒體對呢件事嘅報道為中國政府暴力鎮壓同屠殺和平示威嘅學生同市民，世界上都有媒體將之稱為「六四屠殺」或「天安門屠殺」。中國政府則聲稱係「英勇嘅人民解放軍取得鎮壓反革命暴亂嘅偉大勝利」（見當時《人民日報》及《解放軍報》）。
全部嘅死亡人數同名單只可能喺平反六四以後，至可能畀世人知曉。

六四死亡人數
當時嘅學生運動起源於北京，通過新聞媒體嘅傳播，隨後迅速發展到中國各地。喺中國各地都有學生同其他行業嘅人民上街遊行示威，支持喺北京嘅學生。因為中共中央無一致嘅睇法，各地方政府同單位喺當時對民運嘅態度都唔同。有縱容，有支持，有保持沉默。喺其他各地嘅學生運動，隨著六四事件嘅發生，而自行結束。無發生多少流血事件。
當時嘅中國新聞媒體都得到咗一次少有嘅開放同自由，佢哋嘅報道非常熱烈。好多報紙雜誌對於學生運動嘅報道都係非常積極，支持佢哋嘅運動。好多新聞媒體嘅工作人員甚至加入咗遊行隊伍。但係後來隨著事件嘅惡化，新聞媒體嘅報道從支持，逐漸轉向同中國共產黨嘅口徑一致。還有一啲報紙因為言論太過激烈，而被關閉。

中國各地嘅情況

天津
上海嘅《世界經濟導報》創辦人同主編係70幾歲嘅欽本立。呢種刊物倡導民主思想。胡耀邦死後嘅第四日（4月19號），《導報》嘅一班編輯舉辦咗一個研討會。欽本立認為研討會內容應該帶有實質性嘅嘢而唔係一般既哀悼之詞。呢下得到與會者認同。會上戴晴講到中國共產黨七十年來嘅歷史同幾位總書記嘅命運。佢講到黨嘅總書記都冇好下場，因為都係「非程序權力更迭」。
4月20號，上海市委宣傳部得知，《世界經濟導報》將開闢專欄悼念胡耀邦。宣傳部長陳至立隨即告訴咗江澤民。由於內容敏感，曾慶紅同欽本立討論第439期《導報》清樣問題時，要欽本立刪節五百字，主要係嚴家祺、戴晴等人嘅發言。當江澤民同汪道涵硬壓軟勸要欽本立同意刪節時，卻發現十幾萬份報紙都已印好咗，兼且四百份已批發畀個體報攤。此外，重有相同數量報紙直接送咗去北京，最後至追回兩萬份，但已經造成影響。4月26號《人民日報》發表社論《必須旗幟鮮明地反對動亂》後，江澤民召開嘅市委書記緊急會議。同日喺有一萬四千名黨員參加嘅大型集會上江澤民宣佈停止欽本立嘅領導職務，重決定整頓《導報》。4月27號，江澤民派劉吉、陳至立負責既「上海市委整頓領導小組」進駐《導報》。撤除具有獨立意識嘅欽本立《世界經濟導報》總編職務嘅活動。
上海亦有好多學生參加罷課。

上海
南京好多高校學生都到南京市中心鼓樓廣場，新街口廣場進行遊行。喺鼓樓廣場嘅旗桿上，掛上咗一面白旗，上書一個祭。南京師範大學附屬中學嘅校長喺六月二號，於全校大會上發表咗畀北京嘅公開信，支持學生嘅民主運動。該校學生都有去鼓樓廣場參加咗遊行。同時，有啲高校嘅學生為咗讓工人加入罷工，有段時間會到主要交通接口阻攔交通。喺呢段時間，由於學生運動，南京嘅公共汽車服務不得不中斷。對南京市民交通帶來不便。

南京

杭州

東北

廣州
香港有好多市民走上街頭，部份人進行遊行。重且在維多利亞公園舉行咗燭光晚會。當時嘅香港總督都支持民運。1989年5月27號，香港歌星，影星喺跑馬地召開咗聲援學生嘅《民主歌聲獻中華》集會，有30萬人參加。鄧麗君演唱咗我的家在山的那一邊，侯德健 龍的傳人 張明敏 我的中國心。
六月五號清晨，中銀集團所屬嘅十三間分行門口排起咗長龍，發生咗中銀集團成立以來最大嘅一次客戶擠提，當天提出款項五十億港元，創歷史最高紀錄。呢次擠提令中銀集團元氣大傷，而呢次擠提亦係自1965年銀行">廣東信託銀行倒閉及銀行">恆生銀行擠提事件之後最嚴重嘅擠提事件。

香港
Image:Portuguse macau flag.gif
六月五號，喺中國銀行澳門分行同佢屬下嘅十六間支行門口，一早就排起長龍，發生咗自1950年成立以來第一次客戶擠提現象，當天提出款項3.3億港元。

澳門
台灣嘅人民都有遊行，支持大陸學生。在六四前夕，台灣歌星因此創作咗一首歌 歷史的傷口。台灣政府作為支援大陸民主運動嘅特別措施，公佈咗四項措施，其中有：向放棄中國護照嘅外地嘅中國留學生同學者發放中華民國護照；向呢啲留學生同學者提供學費同生活補助。

台灣

其他地區
轟轟烈烈嘅六四，唔單止喺中國大陸造成好大嘅影響。而且引起好多國家嘅注意。唔同程度上影響到其他國家。好多世界各地嘅華人都到當地嘅中國領事館，進行示威遊行，聲援北京嘅學生運動。世界各地嘅傳媒齊集北京，隨時報導事態發展。開始嗰陣，中國大陸政府准許世界各地嘅新聞媒體喺天安門用衛星傳送新聞。後來隨住事態日益嚴重，喺六四嗰陣，突然切斷佢哋嘅衛星信號。

世界各地嘅情況

亞洲
六月六號起，日本三和銀行、大和銀行、銀行">住友銀行、日本生命保險公司、松下電器公司、西武百貨、三越公司等駐北京、上海、西安等地嘅辦事處人員被指示回國，當日有一千一百六十三日本人回國。
六月七號，日本首相宇野在眾議院全體會議上說：「在中國嘅日本人有八千三百人，今日已指示佢哋撤離。」「中國嘅情況令人憂慮。唔能把槍口對準國民。」「要召見中國大使，正式轉達政府嘅嚴厲見解」。下午，外務省事務次官村田約見中國駐日大使楊振亞，聲明「對於造成流血慘案嘅中國政府行為，從人道上來說係唔能允許嘅。」同日，中國戒嚴部隊因向外交人員公寓開槍，三名日本使館人員住宅遭槍擊，號本駐華大使中島向中國外交部提出強烈抗議，當天有一千七百七十四名號本人離京。同號，號本官房長官鹽川宣佈「為咗徹底保護在中國嘅日本人，已向居住在北京嘅日本人發出咗避難勸告」，重表示實施兩項政策：「一、通過紅十字會提供藥品等緊急援助；二、延長在日本嘅中國留學人員在日本嘅逗留日期」。

日本
北美地區嘅華人喺中國領事館遊行示威，支持學生運動。

北美
開始時，呢件事未有引起美國新聞媒體嘅關注。隨著事態嘅發展，美國媒體開始派佢地經驗豐富嘅電視新聞評論員，例如CBS 嘅 Dan Rather，ABC 嘅 Peter Jennings 等長期在天安門，向美國觀眾隨時報道有關新聞。
六月六號，國務院新聞發言人瑪塔特懷勒在新聞發佈會上宣佈：美國政府准許所有旅美嘅中華人民共同國國民在其簽證到期後繼續留在美國，而唔改變其身份。當時大約有四萬五千〇八個中華人民共和國國民出於各種唔同目的滯留在美國。
六月七號，由於中國戒嚴部隊向外交人員公寓開槍，美國大使館下令外交人員家屬全部從北京撤離，一百二十五人離開中國。
八號，美國國務卿貝克說「中國嘅權力鬥爭正在進行，局勢極唔明朗，以致無法斷定誰在執掌政府嘅權力」，重「呼籲所有在中國嘅美國普通公民盡快離開那個國家」。同號，紐約市長郭德華宣佈中止同北京嘅姊妹城市嘅關係，重建議市政委員會命名紐約市第四十二街同第十二大街嘅交叉路口為天安門廣場。
在以後嘅日子裡，美國總統布殊 George H. W. Bush又公佈咗一條法令，允許在1990年四月前到美國嘅中國公民申請美國永久居留身份證。使得有啲無參加民運嘅中國公民因而獲得美國綠卡。

美國

加拿大

南美

歐洲

澳洲及新西蘭

非洲

中國大陸嘅聲明
六四事件後西方各國一致對中國進行經濟制裁，但持續唔夠一年，出於包括自身經濟利益嘅各種考慮，喺同中國政府達成妥協嘅情況下，1990年部分國家陸續恢復同中國嘅接觸及正常經貿關係，1989年之前進行嘅軍事合作被全面中止。
六月五號，外務部發表聲明，「關注事件」，重希望「局勢唔致進一步惡化而能和平噉解決」。
政府唔評中國事態。自五號起，數以千計嘅新加坡人紛紛去中國銀行擠提。
總統李登輝發表聲明：「為抗議中共用武力鎮壓大陸嘅民主運動，呼籲全世界所有愛好自由，重視人權嘅國家同人士，對中共暴行給予最嚴厲嘅譴責。」對中國大陸同胞給予一切可能嘅支援，重同中共作徹底嘅決裂。國防部於當號下令「停休返防，迅速進入備戰部署」。作為支援大陸民主運動嘅特別措施，公佈咗四項措施，其中有：向放棄中國護照嘅在外國嘅嘅中國留學生同學者發放中華民國護照；向呢啲留學生同學者提供學費同生活補助。
六月五號清晨，中銀集團所屬嘅十三間分行門口排起咗長龍，發生咗中銀集團成立以來最大嘅一次客戶擠兌，當天提出款項五十億港元，創歷史最高紀錄。呢次擠提令中銀集團元氣大傷，而呢次擠提亦係自1965年銀行">廣東信託銀行倒閉及銀行">恆生銀行擠提事件之後最嚴重嘅擠提事件。
總督文禮治發表聲明：「在呢時刻，我認為適宜發表嘅談話就係，使用武力對付手無寸鐵嘅群眾係唔可以接受嘅，而且唔係一項適當嘅措施。」六月五號，在中國銀行澳門分行同佢屬下嘅十六間支行門口，一早就排起咗長龍，發生自1950年成立以來第一次客戶擠提現象，當日提出款項3.3億港元。

 韓國
Template:SIN
中華民國
香港
Image:Portuguse macau flag.gif 澳門 其他國家地區及組織嘅聲明同制裁
香港好多人走上街頭，遊行。並喺維多利亞公園舉行咗燭光晚會。當時嘅香港總督都支持民運。1989年5月27號，香港歌星， 影星在跑馬地召開咗聲援學生嘅"民主歌聲獻中華"嘅集會，30萬人參加。鄧麗君唱咗我的家在山的那一邊，侯德健 龍的傳人，張明敏 我的中國心。
喺中央人民政府召集軍隊武力鎮壓學生嘅消息傳出之後，大量市民湧往當時位於跑馬地嘅新華社香港分社，要求會見當時嘅社長許家屯，而新華社香港分社就設立咗靈堂悼念於武力鎮壓中死咗嘅學生。
六月五號清晨，中銀集團所屬嘅十三間分行門口排起咗長龍，發生咗中銀集團成立以來最大嘅一次客戶擠兌，當天提出款項五十億港元，創歷史最高紀錄。呢次擠提使中銀集團元氣大傷，而呢次擠提亦係自1965年銀行">廣東信託銀行倒閉及銀行">恆生銀行擠提事件之後最嚴重嘅擠提事件。

香港嘅參與
Image:Portuguse macau flag.gif
六月五號，在中國銀行澳門分行同佢屬下嘅十六間支行門口，一早就排起咗長龍，發生咗自1950年成立以來第一次客戶擠提現象，當天提出款項3.3億港元。

對香港嘅影響
正如台灣嘅二二八事件，雖然發生喺好耐之前，最後都獲得平反。好多人無論係喺中國大陸，定係海外各地，都希望中國共產黨能夠平反六四。中國官方對事件嘅講法經過由「暴亂」到「動亂」最後到「風波」嘅轉變。更加中立而為外界所接受嘅講法可能係「六四事件」。大陸網絡而家封鎖咗一切關於六四嘅報導，似乎六四從來都冇發生過咁。可以睇出，中國共產黨對呢件事嘅睇法又再出現變化。
中國國民黨前黨主席馬英九喺2005年，就堅持六四不翻案，統一不能談。

六四以後世界各地嘅有關活動
自從"六四"之後，香港每年都有紀念晚會，紀念"六四"死難者。
2003年，大約五萬名香港人，喺六月四號晚上，參加支聯會主辦嘅燭光集會，悼念天安門事件十四週年，同時反對香港政府就基本法第二十三條立法。支聯會主席司徒華表示，即使有關法例通過，集會都唔會停辦。「反對23，母忘六四」係當年六四燭光悼念集會嘅新主題。一啲以往無出席集會嘅香港人，當年都破例。群眾坐滿咗維多利亞公園五個足球場。支聯會都播放民運人士丁子霖同學運領袖王丹嘅講話。喺支聯會嘅燭光晚會開始之前，香港嘅天主教團體喺維多利亞公園嘅另一角落舉行祈禱會，有三百多人參加。祈禱會名為「民主中國」，主題係「傾聽良心嘅呼聲，舞動生命嘅熱情」。一向畀人常發言印象嘅天主教香港教區主教陳日君，敢於唔在意自己身為教區主教嘅身份，為中國大陸嘅人民祈福，並表達佢對中國民主改革嘅盼望。
2004年6月4號，估計有八萬幾人參加維多利亞公園舉行既"六四"十五週年紀念晚會。係1993年以來人數最多嘅一次。上百名"自由行"嘅大陸民眾喺香港參加被中國禁止嘅"六四"紀念活動，創下歷年嘅最高紀錄。組織者話收到唔少人民幣捐款，顯然係有一啲大陸民眾參加咗呢個晚會。收到大約四千元人民幣捐款，遠比佢哋喺過去舉辦嘅"六四"晚會多，過去只係收到一、兩百元人民幣。自一九八九年以來，受訪者平均參加咗五點八次「六四」燭光晚會；四號晚參加集會嘅十五歲或以上市民中，29%屬於首次參加，12%每次都有參加；而回歸以來每次都有參加嘅，就佔22%。
2005年，六四事件十六週年，支聯會晚上八時喺維園舉行燭光晚會，晚會開始後冇耐，到場嘅市民坐滿四個足球場。主題係以史為鑒，平反六四。大會播放六四事件錄影片段，同時奏哀樂，稍後有獻花、燃點火炬、致悼辭同默哀一分鐘儀式。現場又有豎立「民主烈士永垂唔朽」紀念碑。由於晚上有雨，參加者唔少都舉起雨傘下，點起燭光。喺晚會開始前，有天主教團體喺維園涼亭舉行祈禱會，悼念六四。
2006年六四燭光晚會，仍然有四萬四千人參加，參加人數同往年差唔多。根據香港大學民意計劃，喺上週四所公佈嘅六四民調結果，喺六四事件過咗十七年後，仍然有百分之五十三嘅市民認為當年北京學生做法正確。有百分之五十六嘅市民，依然認為北京當局要平反六四。支聯會近年嘅口號係，教育新一代，接好民主棒。

三月十三係黃曆三月嘅第十三日。

travel/2007-02/15/xinsimple_18202041509165622166018.jpg" alt="三月十三" align="right" style="padding:10px" /> 響呢日死嘅人

Arctocephalus Callorhinus Eumetopias Neophoca Otaria Phocarctos Zalophus
海獅科，又名海狗科 (Otariidae)，係鰭足目之下三科嘅其中一科。
呢科之下有 2 個亞科，分別係海獅亞科同埋海狗亞科。
目前，呢一科一共有 6 屬 12 種動物。

童軍運動(Scout Movement)，或者叫童子軍運動係一個全世界嘅青少年運動。呢個運動喺各地建立組織，發展青少年嘅身心同靈性，等佢有用於社會。呢個運動係整咗套非正統敎育，強調用童軍嘅方法，做各種唔同實用嘅戶外活動。家下世界各國多數都有童軍活動畀細路同年青嘅成年人。
童軍運動響1907年開始，身為英國軍官嘅貝登堡，就響英國桃山(Dorset)白浪島(Brownsea Island)，開始試下搞個露營畀班男仔。第一個男童軍團響1908年成立。而1909年女仔都加入埋童軍運動，即係女童軍。以2006年來計，成個童軍運動有成3千8百萬成員，遍佈217各國各地，靠唔各地唔同總會組織活動。家下係世界文化一部份。

十三么係一個麻雀術語，佢係打麻雀其中一種餬牌形式，但同一般「四搭一對」－即係四組搭牌加一對眼嘅形式唔同，十三么完全唔跟呢個格式。十三么有好多唔同嘅稱呼，例如叫「十三太保」、「十三龍門」，而喺日本麻雀入面就叫做「國士無雙」，國士即係指國家入面最優秀嘅人，而無雙即係獨一無二，形容十三么組合入面，有齊一副麻雀入面每一種牌。

十三么組合
既然叫得做「國士無雙」，就係因為十三么有齊一副麻雀入面每一種牌。一副十三么嘅組合，係：
「東南西北」、「中發白」各一隻，么即係指頭尾，一筒九筒、一索九索、一萬九萬，呢十三隻牌再是但加一組眼，咁就算係一副可以食餬嘅十三么組合。
加一對眼
而台灣麻雀由於打十六章（十六隻牌），所以十三么組合會有啲唔同，除咗要齊「東南西北」、「中發白」，「么九」各一隻，另外要再加多一組搭子先算。

布魯塞爾（Brussels）係比利時嘅首都，另外都可解釋為比利時聯邦嘅三個區域（布魯塞爾首都特別區、弗拉芒行政區同瓦隆行政區）之一。
歐洲聯盟三個重要嘅機構當中，有兩個位於布魯塞爾（歐盟委員會、歐盟部長理事會），另一個重要機構歐洲議會喺布魯塞爾都設有分處（全體議會在法國斯特拉斯堡），所以布魯塞爾可以講係歐洲嘅首都。
另外北大西洋公約組織嘅總部都設喺布魯塞爾。
布魯塞爾係一個雙語城市（法語跟荷蘭語），法語嘅使用者佔較多數。

友好城市

新藝術運動

星期五，又叫禮拜五，響星期四同星期六之間，亦係星期四之後嘅一日，係一個星期嘅第五或者第六日。佢嘅英文名係 Friday，呢個名係嚟自日爾曼嘅愛同埋美嘅女神，亦都即係大神奧丁嘅老婆，叫做 Frigg；法文名係 vendredi；拉丁文係 dies Veneris；即係維納斯日或者金星日嘅意思；俄文係 пятница，即係「第五日」嘅意思。
根據基督教嘅傳統，星期五係耶穌受難嘅日子。

原子係化學入面一種元素喺保持住佢嘅化學特性嘅條件之下可以存在嘅最細粒子。
原子係由三種次原子粒子組成，而呢啲粒子每樣有幾多就控制住粒原子嘅化學特性同埋核子特性：
質子同中子都係原子核嘅成員，合稱核子。中子有好強嘅核力，將原子核入面嘅質子綁埋一齊，防止佢哋因為同性相拒而散開。而電子就喺一團好似雲咁樣嘅電子殼入面，圍住個原子核飛來飛去。
唔同原子嘅分別主要係在於佢哋有唔同數量嘅電子、質子同埋中子。原子序數，即係一粒原子入面有幾多個質子，決定佢屬於邊隻元素。喺同一隻元素入面，中子嘅數量會唔同，而呢個數量嘅分別就係所謂同位素嘅概念。透過核聚變(nuclear fusion)、核裂變(nuclear fission)同核衰變(radioactive decay)，一款原子可以改變佢個原子核入面質子同埋中子嘅數量，變成另一款原子。而化學作用就會改變原子入面電子嘅數量，電子係三種粒子入面數量最易改變嘅。
如果一粒原子入面電子同質子數目一樣，咁佢就喺電荷上算係中性。如果一粒原子因為化學作用而多咗或者少咗原子，咁佢就變咗做一粒離子。通常原子送走畀人嘅電子都係出自最外面嗰層電子殼；而收返來嘅電子都係多數會去最外層嘅電子殼。喺呢個基制之下，原子之間就可以傳送電子或者分享電子，造成共價鍵、離子鍵同金屬鍵。
分子係化合物入面最細而可以保留化學特性嘅粒子。大部分分子都有多過一粒原子，例如一個水分子由一粒氧原子同埋兩個氫原子組成。不過都有啲分子係得一粒原子，例如氦氣分子同埋其他惰性氣體嘅分子就得佢自己一粒原子。
原子係化學入面幾個最基本嘅概念之一；化學作用入面原子嘅數量唔會變係研究化學作用嗰陣嘅基本假設。
電子，每粒有一個單位嘅負電荷，係三種粒子入面最輕嘅。
質子，每粒有一個單位嘅正電荷，大約係1836粒電子咁重。
中子，無電荷，大約有1839粒電子咁重，係三種粒子裏面最重嘅。

天曚光係太陽就快出嚟，臨近天光嗰段時間。由夜晚黑個天「黑鼆鼆」乜都睇唔倒慢慢勉強睇倒啲嘢嘅一段短時間。可以大至同英文嘅 dawn 對譯。

尼羅河﹝阿拉伯文：النيل；古埃及文： iteru﹞係一條喺非洲向北流嘅河，普遍認為係世界最長嘅河。條河最後穿過一個三角洲之後出去地中海。

閏七月廿七係黃曆閏年時閏七月第廿七日。因為閏七月唔係年年有，平時紀念都會響七月廿七。

響呢日出世嘅人
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

灰海豹(Halichoerus grypus)主要分布響北太西洋，係海豹科裏面一個大成員。

香港中文大學（Chinese University of Hong Kong）簡稱中文大學、中大、CU或者CUHK，係香港嘅一間大學，校園喺新界沙田馬料水，九廣鐵路大學站側。1963年創校，由三間書院夾埋組成——崇基書院（1951年創立）、新亞書院（1949年創立）、聯合書院（1956年創立），之後又加入逸夫書院（1986年創立），未來仲會加入晨興書院同埋善衡書院兩間書院。現任校長劉遵義教授，副校長楊綱凱教授、廖柏偉教授、鄭振耀教授、程伯中教授。學生總人數（以2006年3月31日計算）18,642人，圖書館藏書量（截至2005年12月31日）1,916,426 冊。2007年1月1日開始，一星期返五日學 。

閏十二月廿一係黃曆閏年時閏十二月第廿一日。因為閏十二月唔係年年有，平時紀念都會響十二月廿一。

響呢日出世嘅人
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。