揚子鱷，又叫做鼉，俗稱豬婆龍、土龍，係中國特有嘅一種鱷魚，亦係世界上體型最細嘅鱷魚之一。

分佈
主要以魚類、甲殼類、蛙類、水鳥為主。

皇后大道(Queen's Road)係香港香港島上面嘅一條馬路。佢第一條起嘅馬路，不過另一條馬路荷李活道就早過佢起好。皇后大道由堅尼地城去到灣仔，因為太長，就將佢分做三段。就係皇后大道西，皇后大道中同埋皇后大道東。其中皇后大道東金鐘一截，就改咗名做金鐘道，英文名叫Queensway。
皇后大道雖則用皇后命名，但其實唔係指皇后，而係維多利亞女皇。呢個錯誤係因為當時翻釋師爺唔夠水準，誤認為Queen一定係皇后。
因為呢個條係香港早期好重要嘅馬路，所以人哋就叫佢大馬路。當時唔少人只係簡寫做大道中，大道西同埋大道東。

中國係四大文明古國之一。以而家為止喺中國境內可以搵到嘅最早古人類遺址，最小有170萬年前咁耐。中國歷史可分成幾個階段。通常當夏、商、周三個朝代做奴隸社會時期，而秦朝到清朝就叫做封建社會時期，之後就係民國時期。
中國歷史大大話話有成5000年；不過如果由夏朝計起，就大約有4000年。

史前
主文： 三皇五帝
神話入面，中國最早嘅領袖係三皇五帝；但邊「三皇」、邊「五帝」其實未有定論。一般會話三皇係伏羲、神農、燧人；五帝就係黃帝、顓頊、帝嚳、堯、舜。
現今流行嘅解釋，黃帝原本係炎帝部落一個分支嘅首領，強大咗之後喺阪泉之戰擊敗炎帝，成為新部落聯盟嘅首領。之後，黃帝又同東南方嘅蚩尤部落衝突，最後喺涿鹿徹底擊敗對方，成為霸主。
後來，黃帝個孫顓頊、同埋曾孫帝嚳繼續擔任部落聯盟嘅首領。之後輪到帝嚳個仔堯繼位，佢係一個賢君，創立咗禪讓制，傳位畀舜。舜時，黃河泛濫，鯀想咗堵塞住條河，結果洪水反而更加厲害，咁鯀就被殺。鯀個仔禹改試用疏導，成功治理咗洪水，因此就獲推舉做首領。之不過，禹個仔啟就唔再禪讓，自立為王（但亦都有香港中學教科書話啟都係獲推舉做領袖嘅）。無論如何，啟建立咗第一個王朝——夏朝。夏朝持續咗四百幾年，到到桀嘅末期，東方商族首領成湯奪取政權，建立咗商朝。

神話傳說

先秦
主文： 夏朝、 商朝、 周朝、 同 西周
最早嘅朝代夏朝，喺大概前21世紀到前16世紀。由於呢段歷史未有文字性質嘅文物印證，所以只能靠後世嘅記錄同埋出土嘅文物互相對照考證。有啲學者認為河南二里頭遺址可能就係夏朝嘅遺蹟，但有學者懷疑。據記載，夏朝有中國最早嘅曆法——夏小正。
之後嘅商朝，亦即係前16世紀到大約前1046年，就係目前所發現最早有文字文物嘅歷史時期。據講，夏朝最後一個君主桀，由於荒淫無道而被成湯推翻。商代嘅文明已經十分之發達，有曆法、青銅器以及成熟嘅文字——甲骨文等。商朝已經有一個完整嘅國家組織，並且具有封建王朝嘅規模。當時嘅主要生產部門係農業，但係手工業、特別係青銅器嘅冶鑄水平，亦都已經十分高超。商代亦都出現咗原始嘅瓷器。自盤庚就位之後，商朝就將殷（今河南安陽）定為首都，所以商朝又叫做殷朝。商朝嘅王位繼承制度係傳子或者傳弟，多數按照年齡嘅長幼繼承。
與此同時，黃河上游嘅另一個部落周正喺逐步興起。大約前1046年，周武王討伐商朝嘅紂。周喺牧野之戰度取得決定性嘅勝利，商朝因而滅亡。周朝正式建立，建都渭河流域嘅鎬京（今陝西西安附近）。之後，周朝嘅勢力又慢慢滲透到黃河下游和淮河一帶。周王朝依然係封建貴族統治，有好多貴族嘅封國。呢啲由貴族所管理嘅土地叫諸侯國。周朝影響力最鼎盛嘅時候，甚至喺南方跨越長江、東北到今日嘅遼寧、西至甘肅、東到山東。另外，周朝時期嘅宗法制度亦得到建立，政權機構亦都比較完善。中國最早有確切時間嘅歷史事件，係公元前841年，發生喺西周嘅國人暴動。

三代
主文： 周朝、 東周、 春秋、 同 戰國 (中國)
前770年，由於遭到北方遊牧部落犬戎嘅侵襲，周平王向東遷徙到黃河中游嘅洛邑（今河南洛陽），歷史學家將呢段時期劃作東周嘅開始。之後，周朝嘅影響力逐漸減弱，取而代之嘅係大大小小成百幾個小國（諸侯國），史稱春秋時期。春秋時期嘅大國共有十幾個，其中包括晉、秦、鄭、齊同埋楚等等。春秋時期社會動盪，戰爭不斷，先後有五個國家稱霸，即係齊、宋、晉、楚、秦（亦有認為係齊、晉、楚、吳、越）。呢五國合稱春秋五霸。
到咗前546年左右，黃河流域嘅爭霸基本結束，晉、楚兩國平分咗霸權。前403年，晉國又被分成韓、趙、魏三個諸侯國，史稱「三家分晉」。再加上被田氏奪去咗政權嘅齊國，再加上秦、楚、燕，合稱戰國七雄，標誌住戰國時期嘅開始。到前356年，秦國商鞅變法開始，國力大大增強，最終喺前221年消滅六國最後嘅齊國，完成統一。中國歷史也進入咗新時代。
春秋戰國時期嘅學術思想比較自由，呢種叫做「百家爭鳴」嘅氣氛造就咗多位對後世有深遠影響嘅思想家，例如孔子、老子、墨子、莊子、孟子、荀子、韓非等人，叫做「諸子百家」。眾多學術流派之中，比較出名嘅有十大家，即儒家（倫理）、道家（自然）、陰陽家（星象占卜）、法家（法治）、名家（修辭辯論）、墨家（科技）、眾、雜、農家（農業）、小說家（小說）等。
文化方面，有第一個以個人名出現嘅詩人：屈原。佢嘅文學作品有《楚辭》、《離騷》等等。孔子編成咗《詩經》，亦都出現咗《春秋》、《國語》、《戰國策》等等嘅作品。戰爭學方面亦出現咗傑出嘅兵法家孫武、孫臏、吳起等等。鑽研科技嘅有墨子。建築史有魯班，佢發明嘅瓦當奠定咗中國建築技術嘅基礎。春秋戰國時期亦都有製造精良嘅戰車同騎兵，同時冶金術亦都好發達，製造出精良嘅鐵器。喺農業上出現咗各種灌溉機械，大大提高咗生產率，奠定咗日後人口膨脹嘅基礎。另外，喺天文學同曆法研究方面，夏朝發明咗干支紀年，亦出現咗十進位制。西周人就用圭表測日影嚟確定季節；春秋時期確定咗二十八宿；後期則產生咗古四分歷。
總之，中華文化嘅源頭基本上都可以喺呢個時期度搵到。

春秋戰國
主文： 秦朝、 漢朝、 西漢、 新朝、同 東漢
前221年，秦國消滅咗其餘六國，成為咗史上第一個統一中國嘅帝國，定都咸陽（今西安附近）。統一全國嘅秦王嬴政自認「功蓋三皇、德過五帝」，於是就改用「皇帝」稱號，自封始皇帝，人稱秦始皇。傳位後嘅皇帝稱二世，直至千世萬世。嬴政對國家進行咗多項改革，包括確立中央集權制，取代周朝嘅諸侯分封制；統一咗文字，方便官方行文；統一度量衡，方便工程計算。秦始皇亦大力修築馳道，連接戰國時期趙、燕同秦國嘅北面圍城，築成西起臨洮、東至遼東嘅萬里長城，抵禦北方匈奴、東胡等遊牧民族嘅侵襲。秦始皇推崇法治，重用法家嘅李斯作為丞相，下令焚書坑儒、收繳天下兵器，役使七十萬人修築阿房宮以及自己嘅陵墓——包括兵馬俑等。
前210年，秦始皇喺出巡途中病死，胡亥殺害哥哥扶蘇即位，成為秦二世。但係僅僅十個月後，陳勝、吳廣喺大澤鄉揭竿而起、六國遺臣等野心家乘勢作亂。到前206年，劉邦圍攻咸陽，當時嘅秦王子嬰自縛出城投降，於是秦朝滅亡。
此後，漢王劉邦同西楚霸王項羽展開爭奪天下嘅楚漢戰爭。 前202年，項羽喺垓下（今安徽靈壁）被漢軍圍困，四面楚歌。項羽喺烏江割頸自殺，楚漢之爭至此結束。漢高祖劉邦登基，定都長安（今陝西西安），西漢開始。
到咗漢武帝時，西漢達到最鼎盛時期，聯同羅馬、安息、貴霜並稱為四大帝國。武帝實行推恩令，徹底削弱咗封國勢力、強化監察制度、實現中央集權。佢派遣衛青、霍去病、李廣等大將北伐，成功擊潰匈奴、控制西域，又派遣張騫出使西域，開拓通往中東、歐洲嘅絲綢之路，發展對外貿易、促進中西文化交流。儒家學說亦都確立為官方嘅主流意識形態，成為咗具有統治地位嘅思想。西漢時期亦出現咗第一部通史性質嘅巨著《史記》，而造紙術嘅發明亦都推動其他文化藝術都蒸蒸日上。
西漢發展到1世紀左右開始逐漸衰敗。公元9年，外戚王莽奪權，宣布進行一系列改革，又將國號改做「新」。然而，呢啲改革往往都不切實際，最終導致農民起義。公元25年，劉秀復辟漢朝，定都洛陽，史稱東漢、劉秀就稱光武帝。
東漢嘅發展延續咗西漢嘅傳統，造就咗發明渾天儀同候風地動儀嘅天文學家張衡。文化發展方面，東漢吸取咗秦國嘅教訓，顯得相當開明。當時佛教通過西域到達中國，河南洛陽就修建咗中國嘅第一座佛教寺廟——白馬寺，標誌住佛教正式傳入中國。

秦漢
主文： 魏晉南北朝、三國、晉朝、西晉、東晉、十六國、南北朝
去到東漢中後期，宦官同外戚長期爭權，喺黃巾起義嘅打擊之下，東漢到咗公元2世紀左右時再度衰敗。196年，曹操控制咗東漢朝廷，將漢獻帝帶到許都，「挾天子以令諸侯」。220年，曹操死後，長子曹丕廢咗漢獻帝並自立為皇，建立魏國。同時重有劉氏嘅蜀國和孫氏嘅吳國。中國歷史進入三國時期。
265年，魏國嘅權臣司馬炎稱帝，建立晉朝。280年三國歸晉，再度統一。晉朝嘅文化亦都有一定發展。由於當時戰亂紛紛，好多學士選擇歸隱鄉間、不問世事，典型嘅代表人物就係陶淵明。290年，晉武帝死後唔到一年，時達16年嘅朝廷權利鬥爭開始，史稱「八王之亂」。與此同時，喺中原周邊嘅五個遊牧民族（匈奴、鮮卑、羌、氐、羯）同各地流民圍起反晉，史稱「五胡亂華」。呢啲遊牧民族紛紛立國，從304年到409年，中國北部陸續有多個國家建立，包括咗漢、前趙、後趙、前燕、前涼、前秦、後秦、後燕、西秦、後涼、北涼、南涼、南燕、西涼、夏和北燕，史稱十六國。
其實自東漢後期開始，北方嘅漢族人民為咗躲避戰亂，都大量搬去南方居住，造成經濟重心南移。而晉朝南遷、建都建康（今江蘇南京），史稱前者做西晉，遷都後做東晉。最後，拓跋鮮卑統一北方，建立北朝嘅第一個王朝——北魏，形成咗南北朝嘅對立。南朝經歷咗宋、齊、梁、陳嘅更替，而北朝則有北魏、東魏、西魏、北齊同北周。南北朝時期係佛教十盛行嘅時期，西方嘅佛教大師絡繹不絕咁訪問中國，亦有好多佛經翻譯成漢文。

魏晉南北朝
主文：隋朝、唐朝、五代十國
581年，楊堅取代北周建立咗隋朝，並喺589年消滅埋南朝最後一個政權——陳。中國歷經咗三百多年嘅分裂之後，再度實現返統一。不過，隋朝亦係一個短命嘅王朝，喺修築咗京杭大運河呢個巨大工程後，就滅亡咗，只經歷咗兩代37年。
618年，唐高祖李淵推翻隋朝，建立咗唐朝，最後成為中國史上延續時間最長嘅朝代之一。626年，唐太宗李世民即位，佢嘅一系列政策令唐朝邁進鼎盛時期，史稱「貞觀之治」。長安（今陝西西安）係當時世界上最大嘅城市，唐朝亦係當時最發達嘅文明。7世紀後期，高宗李治嘅妻子武則天開始當權，更加遷都洛陽稱帝，成為中國史上唯一嘅女皇帝。武則天將國號改成周，並將佛教定為國教，廣修佛寺、大興土木。
隋唐時期開創嘅科舉制，係當時比較科學化與公平嘅人材選拔制度。唐朝同好多鄰國發展咗良好嘅關係，文成公主嫁到吐蕃、帶咗大批絲織品同手工藝品去。日本就不斷派遣使節、學問僧同留學生去中國。唐朝嘅文化亦都發展鼎盛，特別係詩文得到比較大嘅發展，重編撰咗許多紀傳體史書。唐代湧現出許多偉大嘅文學家，包括李白、杜甫、白居易、杜牧等詩人，以及韓愈、柳宗元等散文家。佛教係唐朝最興盛嘅宗教，玄奘就曾遠赴天竺取經，回國後譯成1335卷經文，並且喺西安修建大雁塔存放佛經。唐朝前期，朝廷對宗教採取寬容政策，除咗佛教，道教、摩尼教、景教同伊斯蘭教都廣泛傳播。呢一切都喺李世民曾孫、唐玄宗李隆基統治時期達到頂峰，史稱「開元盛世」。
755年，安史之亂爆發，唐朝開始走向衰落。875年，黃巢起義爆發，唐朝再度分裂，最後喺907年滅亡，形成五代十國嘅混亂局面。

隋唐五代
主文：遼朝、金朝、西夏、宋朝、北宋、南宋、元朝
經過咗五十多年嘅紛爭後，北宋到960年控制咗中國大部分地區。但係燕雲十六州喺北宋戰敗後就被割讓咗畀北方契丹族建立嘅遼朝，而河西走廊就畀黨項族建立嘅西夏佔據。北宋為咗維持國家壽命，只有向強大嘅遼和西夏交納歲幣。北宋晚期發生咗分別以王安石、司馬光為首嘅黨派鬥爭，導致社會不安。到咗1125年，松花江流域嘅女真族（即係後來嘅滿族），建立咗大金國、而勢力亦逐漸強大，最後將遼國消滅。
金國隨即開始進攻積弱嘅北宋，1127年金國攻破北宋都城東京（今河南開封），俘虜咗三千幾名皇族，其中包括咗當時嘅皇帝宋欽宗同太上皇宋徽宗。由於嗰年係靖康年，所以導致北宋滅亡嘅史稱「靖康之變」。同年，宋欽宗嘅弟弟趙構喺南京（今河南商丘）即皇位，定都臨安（今浙江杭州），史稱南宋，偏安江南。
此後，金與南宋多次交戰，而南宋屢戰屢敗；直到1234年，蒙古滅金。蒙古之後同南宋又經歷咗血腥嘅戰爭。1271年忽必烈建立元朝，定都大都（今北京）。元軍喺1279年同南宋發生崖山海戰，8歲嘅小皇帝趙昺畀元軍逼到走投無路，最後喺今日嘅香港屯門附近跳海而死。崖山海戰以元朝勝利、南宋滅亡而告終。
中國喺北宋時期出現咗印刷術同火藥。當時中國經濟發達，海上貿易興盛，福建泉州一帶成為咗繁華嘅港口。而中國當時嘅經濟總量佔全世界一半，財政收入過億両白銀，首都開封同杭州人口達到四至五百萬，相對當時歐洲嘅佛羅倫斯同巴黎十幾萬人口確實係十分繁華。而且各國商人雲集、文化亦都極盛，出現咗程頤、朱熹等理學家，提倡「三從四德」，漢族女人要紮腳嘅陋俗亦都產生。同唐詩並駕齊驅嘅宋詞，有蘇軾等詞文優秀嘅詞人，亦出現咗中國史上最出名嘅女詞人李清照。另一方面，《白蛇傳》、《梁祝》等浪漫愛情傳說亦都出現，以致於宋朝不時畀西方學者稱為中國嘅「文藝復興」。
元朝建立之後，一方面吸收咗好多中原、漢族文化，並以中原嘅統治機構同方式嚟統治人民。元朝又大力宣揚朱熹一派嘅理論，使得程朱理學成為當時甚至後代嘅官方思想。另一方面卻又實行咗民族等級制度，第一等係蒙古人；第二等係「色目人」，包括原本西夏統治區同埋嚟自西域、中亞等地嘅人口；第三等係「漢人」，包括原本金統治區嘅漢族、契丹、女真等族人；最後第四等係「南人」，包括原南宋統治區嘅漢族同其他族人。呢種咁嘅民族制度導致漢族不滿，唔少漢族人將元朝視為外來政權，發動多次反抗。元朝政府除咗傳統嘅農業外，亦都好重視商業。元朝首都大都十分繁華，各國商人雲集。文化上亦都出現咗同唐詩、宋詞並稱嘅元曲，湧現出諸如關漢卿、馬致遠、王實甫等著名作曲家。

宋元
主文：明朝、清朝
1368年，農民起義軍領袖朱元璋推翻咗元朝，建立明朝，前期建都南京。1405年，曾經幫過明成祖奪位嘅太監鄭和奉命七次下西洋，曾經去過印度洋、東南亞以及非洲等地；不過後嚟明朝就逐漸走向閉關鎖國政策。1421年，明朝遷都北京。明朝文化上出現咗王陽明、李贄等思想家，以及《三國演義》、《水滸傳》、《西遊記》、《金瓶梅》等長篇小說。由於明朝末年皇帝荒淫無道、加上宦官亂政，1627年爆發明末農民大起義；1644年起義嘅首領李自成攻剋北京，明思宗吊頸自殺，明朝滅亡。南方大臣先後擁護福王朱由崧（弘光）、唐王朱聿鍵（隆武）、桂王朱由榔（永曆）做皇帝，史稱南明，但最終因為實力不足以及政治內鬥，就畀當時強盛嘅清朝所滅。
明朝晚期，居住喺東北地區嘅滿族開始興盛，終於喺1644年李自成攻剋北京後冇耐，驅逐李自成，進入京城、建立清朝。當時明朝舊臣鄭成功南撤到台灣島，並且驅逐咗嗰處嘅荷蘭殖民者，後來亦被清朝軍隊攻下。清朝喺之後嘅半個世紀又成功征服許多地區，例如新疆、西藏以及蒙古。康熙年間，清廷同沙俄喺黑龍江地區發生過戰爭，最終喺1689年簽訂停戰條約《中俄尼布楚條約》。清朝由於取消咗人頭稅，導致人口增加；19世紀嘅清朝人口已經佔成世界總人口嘅3分之1。人口激增促進農業興盛，令清朝成為世界強國，1820年經濟總量佔世界嘅3分之1。
然而到咗19世紀初，清朝開始走向衰落。嘉慶年間先後爆發白蓮教、天理教嘅大規模起義。與此同時，歐洲嘅海上強國英國、荷蘭同葡萄牙等紛紛開始強制同中國進行貿易。1787年英國開始向華輸出鴉片，導致中國嘅國際貿易由順差變為巨額逆差。清廷喺1815年頒布搜查洋船鴉片章程，但係英國無視禁令、繼續走私大量鴉片，令到道光皇帝喺1838年派林則徐去廣州禁煙。1839年6月，林則徐喺虎門將237萬斤鴉片銷毀，史稱「虎門銷煙」。英國政府亦都因為咁而喺1840年6月發動第一次鴉片戰爭，標誌住中國近代史嘅開始。

明清
鴉片戰爭持續咗一年幾，1841年8月英軍抵達南京，清廷驚英軍會進攻北京，於是求和。1842年8月29日，兩國簽署《南京條約》，割讓香港島，開放上海、廣州、廈門、福州同寧波作為通商口岸，又要賠償款銀（西班牙銀圓）2100萬元。之後1844年，美國同法國亦都分別同清廷簽訂《望廈條約》同《黃埔條約》，呢啲不平等條約反映世界列強踐踏中國嘅主權。
與此同時，中國國內反抗清朝嘅鬥爭亦都再度興起。1851年至1864年間，受到基督教影響嘅秀才洪秀全建立咗拜上帝會，發動金田起義、創建太平天國。太平天國曾經一度佔領南方部分省份，定都改名「天京」嘅南京，並建立政教合一嘅中央政權。同一時期，其他運動重有天地會、捻軍、上海小刀會起義、甘肅回民起義等。呢啲反抗清朝嘅鬥爭直到1860年代先至基本上平息落嚟。
19世紀後期，英、美、法、俄、日等國多次侵入中國，強迫清廷簽定更多不平等條約。1858年，中俄簽定《璦琿條約》，俄國割去黑龍江以北、外興安嶺以南60幾萬平方公里嘅領土。1860年，英法聯軍發動第二次鴉片戰爭，侵入北京，喺皇家園林圓明園大肆搶掠焚燒，又喺1860年同清廷簽定《北京條約》，令到清廷要分別賠償800萬両白銀。同年，中俄《北京條約》將烏蘇里江以東，包括庫頁島、海參崴約40萬平方公里嘅中國領土劃歸俄國。1864年《中俄勘分西北界約記》將巴爾喀什湖以東、以南同齋桑卓爾南北44萬平方公里嘅中國領土，割給俄國。
為咗增強國力、鞏固國防，清朝由1860年代開始推行洋務運動，令國力稍為恢復，一度出現咗「同治中興」嘅局面。清軍喺1877年收復新疆；又喺1881年通過《伊犁條約》收復畀沙俄佔據多年嘅伊犁。中法戰爭後，清朝重建立咗當時堪稱亞洲第一、世界第六嘅近代海軍艦隊北洋水師。
然而，1894年爆發中日甲午戰爭，清朝戰敗，次年被迫同日本簽定《馬關條約》，賠償日本2億両白銀，並且割讓台灣、澎湖列島畀日本。甲午戰爭嘅失敗對當時嘅中國產生咗重大嘅影響。1898年，光緒帝喺親政後同意康有為、梁啟超等人提出嘅變法主張，由6月11日到9月21日嘅103日中進行咗多項改革，稱為「百日維新」。但最終喺慈禧太后發動政變後失敗落幕，康有為、梁啟超逃亡國外，譚嗣同、劉光第等六人被殺，史稱「戊戌六君子」。
1899年，義和團運動爆發，義和團以「扶清滅洋」為宗旨，喺慈禧太后默許下開始圍攻外國駐北京使館。於是，各國以解救駐京使館人員名義侵入中國，史稱八國聯軍。1901年清政府被迫同各國簽定辛丑條約，賠款4億5000萬両白銀，分39年還清，本息合計9億8000萬両。同時，北京到山海關嘅鐵路沿線有各國派兵駐紮，並開闢北京東交民巷做使館區，令本國人不得入內。

香港仔係香港南區嘅中心部份。而香港仔同埋鴨脷洲之間嘅香港仔海港被劃為香港仔避風塘。
香港仔以住宅區為主，亦都有好少嘅工廠大廈。而香港仔以漁村風味同埋海鮮，成為聞名中外嘅旅遊景點。
狹義來講，香港仔只係包括田灣以東、石排灣邨以南、黃竹坑以西嘅地方，有時又會被稱為「香港仔市中心」以區分廣義上嘅香港仔。而廣義來講，東至壽臣山、黃竹坑，西至華富邨嘅南區地方以及鴨脷洲，甚至乎成個南區（唔包括赤柱、大潭、石澳），都係香港仔嘅範圍。

hosting.com/img/JavaScript-01.jpg" alt="JavaScript" align="left" style="padding:10px" /> 旅遊
香港仔主要依靠巴士服務往返各區，另外，亦有渡輪來往香港仔及鴨脷洲等地。
以上只係包括全日服務嘅巴士同埋小巴路線。

地鐵（計劃緊）

• 南港島綫西段：香港仔站（計劃緊）
  巴士
  
  
  
  • 新巴：38、42、78、91、91A、94A、95、595
    城巴：7、37A、37B、41A、48、70、71、72、73、76、77、90B、95C、98
    過海隧道巴士：107、170、970X、971、973
    機場豪華巴士：A10
    小巴
    
    
    
    • 綠色專線小巴（AMS進智公交）：
      
      
      
      • 4A灣仔、4B灣仔、4C銅鑼灣、4S石排灣、5跑馬地·銅鑼灣、35M灣仔、39C利東、51、51A、51S、52赤柱、58西環、59、59A深灣、63瑪麗醫院、63A華富、69、69A、69X
        紅色公共小巴
        
        
        
        • 香港仔往來石排灣、華富、田灣、中環、西環、旺角、觀塘
          渡輪
          全記渡 香港仔魚市場——北角村——索罟灣/模達島/蒲台誕嗰時去蒲台島
          
          
          
          • 香港仔小輪香港仔海濱公園近漁市場/香港仔海濱公園近行人隧道←→鴨脷洲大街，服務時間由06:00a.m.至到00:00a.m.。
            港九小輪 香港仔海濱公園←→北角村←→榕樹灣
            街渡
            翠華船務 香港仔海濱公園←→赤柱←→蒲台島—禮拜二、四、六、日

月指咗來呢度，如果想搵一年十二個月嘅月，睇下月份
月光，又叫月亮，或者就咁叫月，天文學上叫佢做月球，係地球唯一嘅自然衞星。佢嘅標誌係新月。佢之所以叫月光，皆因佢係地球望上天第二光嘅嘢，夜晚重係最光嘅嘢。而叫月球呢，就係天文學家發現，月光其實係一個球體，作以就叫月球喇。而科學文章多數叫佢做月球。
月球同地球嘅平均距離係384 403千米（238,857英里）。月球嘅直徑係3 476千米（2,160英里）。由月球反射嘅陽光，用1.3秒就射到落地球。
地球望上天，個月會有盈虧，因為地球望上月球反射面，大細會唔同。農曆一個月裏面，初一咗左右，個月會消失，唐人習慣叫呢個新月。之後會光到一半，叫上弦月，到十五左右，就最圓，叫圓月或月圓，之後會縮返細。到一半大，就叫下弦月，最後到咗下個初一左近，又會消失。回敎地方習慣月光啱啱有光先叫做新月，同唐人唔同。

閏十二月十五係黃曆閏年時閏十二月第十五日。因為閏十二月唔係年年有，平時紀念都會響十二月十五。

響呢日出世嘅人
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

九月初一係黃曆九月嘅第一日。

響呢日死嘅人

東京都係日本一個嘅政區，喺1943年設立，當中包括咗東京23區、多摩地區、伊豆群島同埋小笠原群島。關於首都嘅定議，睇吓東京嘅文章。

新九龍係香港九龍嘅擴展部份，範圍由南面嘅界限街，到北面同東面嘅琵琶山、鷹巢山、煙墩山、獅子山、慈雲山、飛鵞山、大老山、大上托、五桂山等等山脈之間。新九龍原本係新界地方，即係英國1898年租借新界一部份。後尾九龍市區要擴大，咁就將呢九龍半島北面嘅山脈，同維多利亞港之間，劃做九龍市區。新九龍嘅地方有荔枝角、長沙灣、深水埗、九龍塘、九龍仔、九龍城、竹園（黃大仙）、新蒲崗、牛池灣、牛頭角、官塘、油塘等等。

歷史
到咗南宋末期，蒙古軍南下攻宋。宋軍無力抵抗，兩位走難皇帝仔，帝昰同帝昺，畀蒙古軍華南沿岸一路追到家下新九龍呢一帶。宋帝，同埋佢嘅官兵，就響家下九龍城、馬頭涌一帶落腳。村民見皇帝來梗係落力招呼。因為佢響舊時馬頭涌口個山仔抖過，所以座山自此起就叫聖山，山上面有個位叫宋皇臺。皇帝仔因為追兵到，最後經荃灣去到崖山，即係今日澳門一帶，畀陸秀夫帶住跳海自殺。大宋就係咁玩完。之後唔少宋軍官兵就留響新九龍一帶落地生根。

末代宋皇
大明國到咗後期，沿海有倭寇之禍。唐人同倭人勾結做海盜，走私打家劫舍乜都做。因為咁，大明就加強海防。九龍灣呢個產鹽要地，有官富巡司駐守。之後大清滅大明，雖然呢個時間無倭寇，但係好多大明子民唔順滿人大清統治，出海做海盜。所以海盜仍然都係咁猖狂，新九龍呢度係海邊，當然會當災。大清皇帝最後出招，實施海禁，唔畀人住響海邊，要啲人搬入內陸，斷海盜糧草。就係咁，新九龍變成無人住。雖然呢招係對付海盜，但係搬村都係傷民。廣東官員見到民間咁慘，就上奏畀居民返返海皮住。皇帝最後都收返海禁令，但係因為搬村太辛苦，死好多人，唔係好多人搬返返來。大清平定臺灣初時，海盜雖則無咗大靠山，但係仍然咁犀利。搬返九龍灣嘅居民，有幾條村試過畀海盜殺晒。所以呢度嘅人雖然有咁耐歷史，但係咁經過呢幾次劫難，家勢大為減弱，好多連族譜都無埋。

海患
大清國為咗填補呢度人口減少，就鼓勵客家人搬來海邊，自始香港全境，香港島、九龍、新九龍、新界都住咗唔少客家人，甚至比本地人多。客家人搬來香港一直都無停過。1841年英國響大清身上得到香港島，1860年英國永租九龍半島，呢段時間，香港市區發展得快，要好多石起嘢。刻苦耐勞見稱嘅客家人，把握呢個機會來香港島，九龍同新九龍各地打石。新九龍打石個嘅地方就集中響東面，客家就結集成村，開成四山，即係牛頭角、茜草灣（曬草灣）、茶果嶺同鯉魚門。呢四山村長，有半官方色彩，就好似代表大清九龍寨城管呢度開石生意同工人。就算英國統治新九龍，就一樣要畀面佢哋。

客家人搬入
而防務方面，大清見香港島落入英國手，就立即響九龍城一帶起九龍寨城，加強九龍防務。不過因為英法聯軍北上打天津、北京，最後九龍半島都落入英國手。英國人響九龍同新九龍邊界上面，即係今日界限街上面，起咗一條好長嘅竹籬，分隔開兩邊。而九龍寨城到海邊碼頭就慢慢變成市集。
到咗1898年，英國趁法國租到廣州灣，就要大清租埋新界，等佢可以加強防守。英國同大清討價還價，英國最後租到新界，但大清響唔影響英國防務，可以保留九龍寨城同碼頭。就咁樣，新九龍呢帶既然響條約之內，就交咗畀英國喇。英國接收新界，好多村民都未知乜事，所以就有好多人反抗。因為咁，英國就用話大清官員搞事，趁機趕走九龍寨城嘅大清官員。不過因為英國其實唔係咁名正言順，所以無辦法統治九龍寨城。

日治
響1945年後，九龍寨城以東仍然有好多村，有九龍十三鄉之稱。十三鄉包括沙埔鄉、衙前圍鄉、竹園鄉、大磡鄉、元嶺鄉、沙地園鄉、坪頂鄉、牛池灣鄉、坪石鄉、牛頭角鄉、茜草灣鄉、茶果嶺鄉、鯉魚門鄉。不過由於國共內戰，好多難民來香港。新九龍各山頭都搭晒屋。由於山頭有好多原居民山地，起屋就會搞到人哋祖墳。所以有時重會同原居民有衝突添。
香港政府為咗安置居民，就開始起廉租屋，正式將新九龍東面呢帶當係衛星城市咁起，等佢自始自足。

維基書本（Wikibooks）係維基媒體其中一個工程，亦都係維基百科嘅兄弟項目，響2003年7月10號開放，提供自由版權嘅教科書同說明書。

二月三十係黃曆二月嘅第三十日。呢日淨係大月嗰陣先有。如果二月係大月，就係二月最後一日。

大件事
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

響呢日死嘅人

節慶、風俗習慣

參考
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

響呢日出世嘅人
呢段公元係跟儒畧曆。 儒畧曆1582年10月4號之後一日，係額我畧曆1582年10月15號。下面公元跟額我畧曆計。

世界頭卅種最多人講嘅話:

國會金章（英文：Congressional Gold Medal）係美國國會頒畀平民嘅最高獎勵，得獎者唔使係美國公民。
最早嘅得獎者係有份參加美國獨立戰爭同墨西哥戰爭嘅平民，之後得獎者仲包括演員、作家、音樂家">音樂家、探險家、太空人、救生員、科學家、運動員同人道主義者等等。

訃聞，即係關於一個人死嘅消息。尤其喺報紙上登出一個人去世嘅消息，睇死者嘅知名度，通常都有會講幾句有關死者嘅嘢。寫訃告嘅通常係媒體嘅記者，而唔係死者嘅親屬。

中式傳統
訃聞喺大中華地區有相當嚴緊嘅形式，用辭繁複，好似：【顯考】、【顯妣】、【孺人】、【孤哀子】咁。而一般係由親屬畀錢。

喬治．W．布殊（George Walker Bush，1946年7月6日—）係美國第四十三任總統，喺2001年上台。由於美國憲法規定總統一屆4年，同埋只可以連任一次，所以佢將於2009年卸任。
佢爸爸係美國前總統喬治·赫伯特·沃克·布殊，係美國歷史上第二次由父子先後擔任總統（第一次係約翰·亞當斯同埋約翰·昆西·亞當斯）。佢任內嘅副總統係迪克·切尼。
喬治·布殊喺任內最為人所知嘅政績，莫過於佢先後攻打過阿富汗、伊拉克，佢將呢兩場仗做反恐戰爭，為和平、民主而戰，確保世界安全。呢兩場戰爭結束咗原有獨裁者嘅統治，但亦都打死打傷好多平民，同埋美軍士兵死亡人數仲節節上升。所以唔少反戰分子都成日批評喬治·布殊，話佢先至係危害世界和平嘅恐怖份子。

顧嘉煇（英文名Joseph Koo,1933年—）係出名嘅香港作曲家，係粵語流行曲（CantoPop）嘅重要創作人，有香港歌壇教父之稱。顧嘉煇到今日創作咗超過1,200首作品，當中唔少係膾炙人口，到今日仍被奉為經典嘅電視劇主題曲。
顧嘉煇十七歲從廣州到香港，最初同埋家姐顧媚住喺九龍嘅木屋區，生活窮困。顧嘉煇白日喺洋行嘅化驗室工作，晚間讀夜校。顧媚最初喺夜總會唱歌，後來喺五、六十年代唱電影主題曲走紅。顧嘉煇因顧媚經常練習歌唱而對音樂">音樂產生興趣，從旁學習成為琴師。六十年代，顧嘉煇攞咗邵逸夫資助，喺美國波士頓音樂學院">栢克萊音樂學院（Berklee College of Music）留學。回港之後曾喺邵氏同埋嘉禾為電影作曲配樂。之後加入無綫電視，任音樂總監。佢喺七、八十年代創作眾多電視劇主題曲，揭起粵語流行曲熱潮。當中相當多嘅成功作品都係由顧嘉煇作曲、黃霑作詞。這個後來被稱作「煇黃」嘅組合到今日仍為人津津樂道。後來「煇黃」嘅組合拆夥，顧嘉煇移民加拿大，黃霑亦因病退出樂壇。2004年尾，黃霑因病行先一步，顧亦有回港拜祭佢。
顧嘉煇喺1982年獲英女皇授不列顛帝國員佐勳章（MBE），1998年獲香港特區政府授銅紫荊勳章。顧氏所得其佢獎項多唔勝數，較重要嘅包括香港作曲及作詞家協會音樂成就大獎，香港電台音樂會">十大中文金曲最高榮譽獎(金針獎前身)，亞洲電影節最佳音樂、歌曲，香港電影金像獎，台灣金馬獎等等。
另澳門培正中學115周年紀念大樓頂層命名為「顧嘉煇體育館」，顧嘉煇校友同埋贊助人顧明均校友喺2006年5月8日下午舉行揭牌儀式。據佢透露，顧喺香港淪陷期間曾喺該校小學四年級寄宿就讀兩禮拜。