2008年3月10日月曜日


本文章所指嘅係中國嘅廣州市,韓國嘅廣州郡廣州市請睇相應嘅頁面。
廣州,簡稱,亦都有羊城花城穗城等稱號。佢係中國南方重要城市之一。行政上,廣州係中華人民共和國廣東省省會,叫廣州市,屬於副省級城市,面積7434.4平方公里。廣州喺正珠江口沖積平原上,係華南地區嘅政治經濟科教交通中心。以經濟來計,廣州係排喺上海北京之後嘅中國大陸第三大城市。

地理同氣候
大清時嘅廣州,係叫省城,或者廣東省城,或者廣州城。範圍只包括白雲山以南嘅珠江兩岸,即係城,同埋城周圍關西、河南等地方。城嚴格來講唔係行政區,只係集中廣東省、廣州府、番禺縣同南海縣嘅官署嘅地方。而當時廣州個名,係講比較大府,包括埋成個珠江三角洲同寶安縣。
去到中華民國時期,先至將省城劃做廣州市,作為一個行政區來睇。因為都市急速擴展嘅關係,響中華人民共和國時期,尤其係1980年代之後,將鄰近嘅縣都拼入去廣州市嘅行政範圍。呢啲縣包括,番禺花縣增城同埋從化
家下廣州市轄有10市轄區,2縣級市。
注:昔日東山區已併入越秀區成爲而家嘅越秀區,昔日芳村區已併入荔灣區成爲而家嘅荔灣區。

市轄區:越秀、海珠、荔灣、天河、白雲、黃埔、南沙、蘿崗、花都、番禺。
縣級市: 從化、增城。 行政

歷史
廣州有文字記載嘅歷史約為2200年(2008年廣州建城2222年),但係早喺4000幾年前嘅新石器時代,呢一帶就已經有「百越」人喺度活動。喺西元前九世紀嘅周代,呢度嘅「百越」人同長江中游嘅楚國人已有來往,於周夷王八年特建『楚庭』,呢個係廣州最早嘅名稱。秦始皇33年統一嶺南後建南海郡,郡治為『番禺城』,即今日嘅廣州。到西元226年孫權為咗便於統治,由分交州東部為廣州,『廣州』由此得名。直至1921年2月15日成立市府廳,先至特指廣州呢個城市。
廣州又稱為『羊城』、『穗城』,又因四季花開不敗而得名花城。『羊城』之名源於一則民間神話:傳說周朝個陣,廣州連年災荒,民不聊生。有一日,南海天空瓢嚟五朵彩色祥雲,五仙人騎住五隻羊,各攜帶一串穀穗降臨此處,贈谷穗畀居民,祝福此地五穀豐登、永無饑荒,後仙人飄然而去,留低五羊化為石頭。傳說中嘅「五羊」就係今日越秀公園建有嘅『五羊石像』。

名稱及其由來
秦始皇三十三年為南海郡治及番禺縣治。此後,廣州城開始逐步發展。漢初趙佗據有嶺南,成為第一代南越王,定都於廣州。漢武帝元鼎六年復置南海郡,為郡治。元封五年屬交州。建安二十二年交州廣信(今廣東封開)移治到廣州,為州、郡、縣同治。

秦漢
三國黃武五年,分交州合浦以北地段置廣州。晉置廣州南海郡,南北朝因之。隋文帝廢南海郡,置廣州總管府。仁壽元年因避太子楊廣之諱而改為番州。大業三年複置南海郡,屬番州。武德四年複置廣州,初為總管府,後改都督府。貞觀元年置嶺南道,治所在廣州。天寶元年,廣州改為南海郡;乾元元年複稱廣州。鹹通三年嶺南分東、西二道,廣州為嶺南東道治。

廣州 三國至隋唐
五代南漢國都,改稱興王府,並廢南海縣改設咸甯、常康二縣。宋太祖開寶四年平南漢廢興王府及咸甯、常康二縣,複稱廣州,轄南海、番禺、增城、清遠、懷集、信安、新會、東莞八縣,屬嶺南道。至道三年設廣南東路,廣州屬之並為治所。大觀元年升為帥府,祥興元年改為翔龍府。至元十五年為江西行中書省轄廣東道及廣州路治。

五代至宋元
洪武元年設廣州府,為廣東布政使司、廣州府及番禺與南海縣治。為廣東省會、廣州府及番禺與南海縣治。民國元年廢廣州府。1918年設廣州市政公所。1921年立市政廳,為廣州建市之始,仍為省會。1930年改設特別市,同年改省轄市。1938年10月21日1945年8月15日,為日軍所佔。1947年復為國民政府行政院院轄市。
1949年10月14日,由陳賡將軍率領嘅中國人民解放軍擊敗咗守衛廣州嘅國民革命軍,佔領該城。此後廣州為中華人民共和國中央人民政府直轄市、廣東省人民政府駐地。1954年改省轄市至今。1984年10月,劃為國家計畫單列城市

明清至今
廣州係古代中西交流史上著名嘅海上絲綢之路嘅始發港,作為中國最早對外開放並從未關閉過嘅貿易通商口岸。清朝閉關時期嘅廣州十三行更係全國唯一嘅對外通商口岸,「一口通商」使當時嘅廣州(歐洲商人稱 Canton)得以獨攬全國外貿,國際知名度迅速提高,成為廣州歷史上最輝煌嘅時期之一。

對外貿易史
廣州仲係中國近代同現代革命嘅策源地。1841年三元里抗英鬥爭、1911年黃花崗起義均發生喺廣州。1924年孫中山先生喺廣州黃埔創辦咗中國國民黨陸軍軍官學校,為國民革命軍培養軍事人才。喺中山先生逝世後,國民革命軍便以廣州作為北伐嘅大本營。同一時期,毛澤東彭湃等人喺呢度舉辦咗農民運動講習所,為中國共產黨培養骨幹力量。1927年張太雷葉挺葉劍英等係呢度領導咗廣州起義(又名「紅花崗起義」,「廣州暴動」)。魯迅郭沫若郁達夫等亦曾到廣州講學,傳播新思想。

近代革命
廣州市內嘅國家級、省級、市級文物保護單位共有 219 處。其中國家重點保護單位 19 個,省級文物保護單位 41 個,市級文物保護單位 159 個。城區中山四路一帶先後發掘出秦漢造船遺址同西漢南越國宮署遺址,其中南越國宮署遺址兩次被評為中國大陸「全國十大考古新發現」。
廣州主要嘅歷史遺產包括:
目前,南越國宮署遺址、南越王墓、南越國水閘遺址等三處南越國史跡現聯合申報聯合國世界遺產

秦造船貴遺址
南越王墓
北京路千年古道
藥洲遺址
光塔
六榕寺
南海神廟
黃埔古港
黃埔軍校
陳家祠 古蹟
截止2004年底,廣州市戶籍人口總數約750萬,外來常住人口300多萬,總數超過1000萬。

人口資料
1970年代末中國大陸開放後,廣州經濟發展迅速,2005年全市國內生產總值統計數字為5115.75億元人民幣,年增長13%;全市人均GDP接近7000美元">美元,排喺中國大陸十大城市嘅首位。
2000年以後,廣州市政府力圖改變產業構成,加大咗對重工業嘅扶植。如今,政府方面認為汽車石化以及電子資訊產品製造已成為當前廣州嘅三大支柱產業

經濟

文化
廣州嘅飲食文化獨具特色,較為聞名,有『食在廣州』嘅讚譽,亦有唔少爭議與批評。廣州嘅飲食文化主要有三大特色:
飲食喺廣州人嘅生活中具有特殊嘅地位,亦使到全市每年嘅餐飲零售總額高達數千億元,係中國大陸各城市之首。廣州每年重舉行『美食節』,促進飲食業嘅發展。
請參考:飲茶

飲食業發達。目前全市飲食企業多達數萬家,其中絕大多數都經營『三茶兩飯一夜宵』(即早茶、下午茶、夜茶同午飯、晚飯、宵夜),全天供應幾乎冇任何中斷。
食品用料多樣。廣州飲食選料龐雜,幾乎無所不有。呢個係最為聞名亦都係最受爭議嘅特點。廣東人(尤其是廣州人)有一俗語:「背脊向天,人皆可食。」「天上飛嘅除咗飛機,水裏遊嘅除咗潛水艇,地上走嘅除咗坦克,都可以食。」暗指所有飛禽走獸皆可食用。支持者認為噉樣反映咗廣州飲食文化嘅博大同開放,批評者則認為呢種做法威脅到好多珍稀物種嘅生存,並且帶嚟咗一啲衞生問題(如SARS)。
風格特色多樣。除粵菜外,嚟自世界各地嘅特色食品都可以喺廣州品嘗到。 飲食文化
廣州本地嘅語言係粵語廣州話 (增城、從化粵語客家話並用) 。目前全世界粵語使用人口大約為 8 千萬。呢個數目喺中國國內語言使用人口排名中處於第三位。粵語嘅使用地區非常廣,喺海外華人社區中應用廣泛,使到粵語具有好強嘅影響力同生命力。可以話粵語係目前世界上有較強生命力嘅主要語言之一。而廣州話口音係粵語嘅公認標準口音,因此廣州亦就形成咗以粵語為載體嘅包括粵劇粵曲南音咸水歌等在內嘅粵語文化。
1980年代以後,廣州嘅外來人口大量增加,同時中國大陸加強咗推廣普通話">推普運動嘅力度,使到廣州嘅粵語人口近年嚟有下降嘅趨勢。

語言文化

基督教:河南堂、東山堂、光孝堂、錫安堂、救主堂、十甫堂、沙面會堂、芳村堂、沙河堂
佛教:光孝寺、六榕寺、大佛寺、無著庵、華林寺、海幢寺
道教:三元宮、五仙觀、仁威廟、純陽觀、玉虛宮
天主教:石室聖心教堂、沙面露德聖母堂、寶崗堂、龍洞堂
伊斯蘭教:懷聖寺(光塔寺) 對外交通
廣州係中國大陸四大鐵路樞紐之一。京廣(北京至廣州)、廣九(廣州至香港九龍)、廣三(廣州至佛山三水區)、廣梅汕(廣州至梅州汕頭)等多條鐵路交匯於此。目前廣州最大嘅火車站係廣州火車站(位於越秀區環市西路)同廣州火車東站(位於天河區天河北路)。而位於番禺佢鍾村鎮石壁村嘅廣州新客運站目前已經動工,建成後將成為規劃中嘅武廣客運專線(武漢至廣州)及廣珠城際軌道交通嘅啟始站。

火車
廣州市於2004年8月5日啟用新白雲機場,同時關閉咗建成已72年嘅老白雲機場。廣州新白雲國際機場位於廣州市北部,白雲區人和鎮同花都區新華鎮交界處,距廣州市中心直線距離約28公里。沿機場高速公路往返市區約需20分鐘。新機場係目前中國大陸嘅三大樞紐機場之一。 廣州新白雲國際機場已開通大約120條國內外航線,2004年旅客吞吐量2032萬人次。目前新機場2期工程已經啟動,預計到2010年廣州舉辦亞運會時年客運量可能超過4500萬人次。(請參閱廣州白雲國際機場)

機場
廣州係華南地區公路網嘅樞紐,與除咗海南外嘅所有鄰省及廣東省內所有地級市均有高速公路連通,已建成通車嘅高速公路快速路分別有廣州環城高速公路廣深高速公路廣佛高速公路機場高速公路廣清高速公路廣惠高速公路南沙港快速路華南快速幹線廣園快速路廣三高速以及廣肇高速公路;建築中嘅廣梧高速公路,加上渝湛高速公路粵贛高速公路京珠高速公路以及汕汾高速公路105國道107國道324國道穿越市區,106國道321國道起/終於廣州。

公路
廣州有14座長途大巴客運站分佈市區各處,包括省汽車站廣州市客運站天河客運站芳村客運站窖口客運站越秀南客運站羅沖圍客運站海珠客運站黃埔客運站夏茅客運站永泰客運站廣園客運站天河大廈錦漢客運站東圃客運站,其中省汽車站及市汽車站嘅路線最為集中,每日有數班城際巴士來往廣東省各地及廣東省周邊省份,其中去往佛山珠海深圳東莞等地有直達班次(或中途停1至2個站點)。

長途大巴

黃埔舊港
黃港新港
南沙港口 港口

市內交通
目前已有四條線路投入運營,共 38 個車站,現時祇有西朗以及坑口為地上車站,其他均為地下車站。
票價由 2 蚊至到 9 蚊;另有 3 條線路正喺到施工,預計截至 2010年亞運會開幕時將有 9 條線路投入運營,通車里程超過 200 公里(請參閱廣州地鐵)。

一號線:由廣州火車東站至西朗
二號線:由三元里至萬勝圍
三號線:由廣州火車東站至番禺廣場
四號線:萬勝圍至黃閣 地鐵
國語又稱「公共汽車」、「公交車」,目前廣州市嘅巴士、電車總數超過 7000 架,運營線路超過 350 條,係中國大陸公共交通最發達嘅城市之一,但同時由於巴士過多而引起嘅交通堵塞卻日益明顯,特別係喺城市中心,比如天河體育中心站經常可以見到超過二十部以上嘅巴士同時入站。廣州巴士絕大多數線路都有冷氣車,祇有極少部分仍然使用舊嘅非冷氣車。至於票價則冇統一規定,視線路、車型與運營公司而定,市區線多為冷氣車 2 蚊,非冷氣車 1蚊,部分到大學城、過洛溪大橋琶洲大橋嘅線路為 3 蚊,到花都新華、從化街口、番禺市橋、增城新塘、增城荔城嘅線路要 10-15 蚊。服務時間多為早上 6 點至晚上 10 點;廣州市有多間巴士運營公司,其中經營市區線嘅公司分別有廣州一汽巴士廣州市第二公共汽車廣州市第三公共汽車廣州市電車公司廣州市新福利巴士、廣州冠忠巴士、珍寶巴士、新穗巴士、白馬巴士、馬會巴士、溢通巴士、興華巴士、榮泰巴士;廣州新世界巴士公司主要經營來往番禺嘅線路。廣州市亦設有夜班冷氣線路,方便市民夜間出行;線路由夜1 - 夜41路,共有 41 條線路,收費標準為非冷氣車個半-2個本,冷氣車 3-4 蚊。

公共巴士
廣州市無軌電車1960年通車,第一條無軌電車路線由越秀公園中山三路大東門,稍後延長至農林下路,即現時嘅東山電車總站,廣州電車發展至今,依然係廣東省內唯一一座有無軌電車系統嘅城市,路線增加至目前嘅 14 條,14 條電車路線分別如下:
其中112、113、114 係首批過珠江嘅路線,112 路行經江灣大橋,113 路行經解放大橋,114 路行經人民橋,現時廣州電車均為非冷氣車1蚊,冷氣車 2 蚊。 由于依家农林下路地铁施工,所以本身行经依条路嘅112路电车需要改行另一条路,导致112电车由北由南方向中有一段路係无电力供应,要用后备电源驱动,所以依家112路全部改返用非空调车,直到农林下路施完先改返,时间待定。

101:機場路-海印橋
102:文化公園-東山
103:文化公園-機場路
104:中山八路-海印橋
105:文化公園-機場路
106:文化公園-錦城花園(東風東路)
107:中山八路-東山
108:黃石路-東山
109:中山八路-天平架
110:文化公園-天平架
111:黃石路-天平架
112:南田路-天平架
113:南田路-機場路
114:南田路-羅沖圍
粗字代表嗰條線路幾乎全部用冷氣車 無軌電車
又稱「出租車」,的士係英文"Taxi"嘅譯音。目前廣州市嘅的士車身五顏六色,其中多數為四色,唔同嘅車身顏色表示分屬唔同嘅的士公司,規糢唔大嘅公司唔可以揀顔色,但是規糢大嘅公司就可以揀顔色。唔同嘅公司啲的士價格都一樣,市區內起步價 7蚊(現時需加收燃油附加費 1 蚊),2.3 公里後夏利車(基本被淘汰)每公里 2.2,其他車型每公里 2.6,如路程超過 35 公里則需加收 50% 嘅空駛費。增城、從化兩市嘅的士單價則分別為每公里 2 蚊同每公里 1.6。

的士
市內渡輪碼頭:

中大碼頭
天字碼頭
黃沙碼頭
芳村碼頭
永興街碼頭
紡織碼頭
海幢碼頭
塹口碼頭
省總碼頭 渡輪
為緩解陸上交通,政府最近推出水上巴士項目,由原嚟嘅渡輪擴展而成。首條航綫係:中大碼頭--天字碼頭--西堤碼頭--芳村碼頭,打算重會繼續開拓新綫路。

水上巴士
到目前為止,廣州市已經分別正式與下列 15 個國際城市互相結為友好城市

1979年5月與日本福岡
1981年12月與美利堅合眾國洛杉磯
1982年11月與菲律賓馬尼拉
1985年3月與加拿大溫哥華
1986年5月與澳大利亞悉尼
1986年11月與意大利巴里
1988年4月與德國法蘭克福
1988年11月與法國里昂
1989年2月與新西蘭奧克蘭
1996年10月與大韓民國光州
1997年11月與瑞典林雪平
2000年7月與南非德班
2001年5月與英國布里斯托爾
2002年7月10日與俄羅斯葉卡捷琳堡
2004年10月27日與秘魯阿雷基帕 國際交往

旅遊
羊城八景係指喺廣州區內最著名嘅 8 個旅遊景點。自宋朝以嚟,依據當地人嘅評價嚟評定八景。以下係2002年廣州嘅羊城八景:

白雲山,景名『雲山疊翠』
珠江夜景,景名『珠水夜韻』
越秀公園,景名『越秀新暉』
中信廣場水景瀑布,景名『天河飄絹』
陳家祠,景名『古祠流芳』
黃花崗七十二烈士墓,景名『黃花皓月』
廣東奧林匹克中心,景名『五環晨曦』
番禺蓮花山,景名『蓮峰觀海』 羊城八景

香江野生動物世界
長隆夜間動物世界
長隆歡樂世界
西漢南越王墓
南海神廟
中山紀念堂
黃埔軍校
沙面島
雲台花園
北京路步行街
上下九步行街
中信廣場
石室聖心教堂
五仙觀
六榕花塔
光孝寺
懷聖寺
廣州起義烈士陵園
黃花崗七十二烈士墓
三元里人民抗英鬥爭紀念館
國民黨一大舊址
廣州公社舊址
農民運動講習所舊址
白雲山公園
東山湖公園
越秀公園
流花湖公園
蘭圃
西苑
麓湖公園
廣州動物園
華南植物園
珠江公園 其他著名景點

花園酒店
白天鵝賓館
中國大酒店
國際大酒店
東方賓館
長隆酒店 著名賓館酒店

沙河粉
腸粉
(及第粥、艇仔粥)
各類熱帶水果 廣州 特產
現有大型體育場館:
廣州已經成功舉辦過第六屆及第九屆全國運動會,並於2004年7月1日成功獲得第16屆夏季亞洲運動會嘅主辦權。該屆亞運會將於2010年11月12日至27日喺廣州舉行。

廣州奧林匹克中心
天河體育中心
越秀山體育場
東校場
黃村體育場
廣州新體育館 主要科研學術基構及高校

廣州地鐵
廣州白雲國際機場