2007年12月3日月曜日

生平
織田信秀喺尾張仲未統一加上喺強敵今川義元嘅內憂外患下,終於喺1551年因酒色過度中風而死。嫡長子信長咁就繼承家督。喺信秀嘅葬禮上,信長反傳統咁樣對老豆嘅祭壇投擲抹香而引起爭議。﹙呢件事懷疑係有後人捏造出嚟嘅。﹚無耐信長嘅傅役兼大老平手政秀以自己唔能夠將信長教育好而切腹自盡。之後嬂田家嘅分裂越嚟越弊,其中同母細路織田信行係最大嘅分裂勢力。織田信行同部份家臣﹙柴田勝家林通勝﹚,以推翻信長成為新家督為目標,最後喺稻生會戰中被信長打敗。信行喺1557年被織田信長喺清洲城毒殺。無耐信長將周圍反對佢嘅勢力打低,統一咗尾張國。

繼任家督
請睇桶狹間會戰
西元1560年,喺尾張東南邊嘅駿河國,控有駿河、遠江、三河三國,當時國力如日中天,人稱「東海道第一弓」嘅 今川義元帶住兩萬五千大軍(以「北條五代記」嘅講法),並對外號稱有四萬大軍上洛覲見將軍。由於上京之路必途經尾張,信長唔肯臣服,決定興兵對抗。面對比佢幾倍大嘅軍隊,得3000兵力嘅織田信長發動強襲,利用當日落大雨,導致視線好差嘅情勢衝入桶狹間狙擊位於後面嘅今川義元本陣而獲得大勝,名將今川義元咁就戰死。信長一戰成名,威震日本,而今川家則日漸衰敗。兩年之後他同德川家康結盟,開始一統天下同計畫。

桶狹間會戰
1567年信長發動對美濃稻葉山城嘅總攻擊。在內外配合嘅優勢下徹底打垮齋藤家霸晒成個美濃。同年信長遷居稻葉山城,取中國周朝龍興之地岐山之「岐」字,將其改名為岐阜。並制作咗「天下布武」之印,以岐阜為根據地,展開往後長達15年的統一日本之路。1568年藉著擁立室町幕府第15代將軍將軍足利義昭為由,同德川家康率領號稱六萬人的聯合大軍南向上洛。喺同盟淺井長政嘅配合下,織田同德川聯軍逐一擊潰六角家北畠家三好家等諸侯,拎咗南近江國伊勢國大和國攝津國,將自己嘅力量擴張到近畿同東海一帶。
之不過好景不常,越前國大名倉義景">朝義景同淺井長政聯手反對信長,在討伐朝氏嘅期間,淺井長政突然叛變,造成信長北面受敵,於是織田信長決定討伐淺井長政同朝義景先,並且與德川家康於姉川之戰聯手將佢哋擊敗。

天下布武
1570年,全國各有力嘅大名開始以將軍足利義昭為中心聯合抗擊信長,叫信長包圍網。包圍網中最強嘅大名係武田信玄,信玄原本諗住趁機一舉擊敗德川家與織田家,點知道大敗德川家康嘅三方原會戰後便壯志未酬咁樣而病死。信玄死後,織田信長對各大名採取各個擊破嘅方式,除咗消滅淺井長政與朝義景之外,同埋於1573年將足利義昭逐出京都,包圍網因而重挫。之後同埋德川家康喺長篠之戰中擊敗名將武田信玄嘅仔武田勝賴,信長包圍網至此大致崩盤。

信長包圍網
1573年,殘酷鎮壓一向宗暴動。隨後成為幾乎囊括整個京畿地帶嘅霸主。 一向宗係日本佛教宗派淨土真宗嘅別稱,有好多農民信。一向宗喺本能寺嘅集會活動,有組織信徒開展武裝抗爭嘅作用。喺15世紀開始,就有信徒開始唔肯交納地租同捐稅,跟住開始暴動。到咗1488年,本願寺嘅所在加賀國(而家嘅石川縣)發生咗激烈嘅一向一揆暴動:一向宗信徒同國人聯手推翻咗守護大名富樫政親,更而控制咗當地政權。暴動曾幾次攪到德川家康五顏六色。喺本願寺嘅號召下,信徒浴血抵抗織田信長嘅討伐成十年咁耐。1582年一向宗領袖本願寺顥如遭到信長包圍而投降,持續咗百多年嘅一向一揆至此玩完。
參考:一向宗

十年戰爭
信長在1576年搬咗去新起喺南近江(今滋賀縣)嘅安土城,喺呢度作為佢統一天下嘅最終基地。隔咗一年同名將上杉謙信手取川交戰輸咗,但信長嘅力量並冇明顯衰退,反而上杉謙信打完仗後無耐就死咗,等信長少咗個強敵。到咗1582年信長自盡前,信長終於消滅宿敵武田家,家督武田信勝同佢老豆武田勝賴喺天目山自盡。呢個時候織田家同埋盟軍已經將勢力擴張到日本近畿、甲信、東海、北越、中國、關東、四國等地,距離信長統一日本唔遠。

成為最大勢力
1582年,信長開始支援羽柴秀吉中國地方嘅征伐,喺夜宿京都嘅本能寺嗰陣,遇到前往支援羽柴秀吉作戰嘅部將明智光秀突襲,抵抗咗一陣間之後失蹤埋,一般相信死喺寺入面(當時本能寺已被大火燒咗),當年49歲。而大仔織田信忠逃到附近嘅二條御所抵抗明智大軍,最後亦打唔贏。史稱本能寺之變

織田信長 本能寺之變
織田信長掌權期間,撤除國境上嘅關所(收取過路關稅嘅檢查站)、設立樂市鼓勵商業。積極咁鼓勵自由貿易,獎勵技術革新。信長仲推行咗新嘅大名制度,使到各地嘅地方制度更加完善。

推動之改革

家臣與一門

織田四天王-柴田勝家丹羽長秀明智光秀瀧川一益
京都所司代村井貞勝
信長的親婿-蒲生氏郷筒井定次丹羽長重前田利長
其他有力重臣;池田恆興前田利家佐佐成政金森長近林通勝森可成森長可細川藤孝筒井順慶羽柴秀吉 信長嘅家臣

正室:齋藤歸蝶
側室:生駒吉乃
側室:阿鍋之方
側室:原田直子
側室:阪氏
側室:土方氏
側室:慈德院殿(織田信忠嘅乳母) 信長嘅妻妾
(按長幼排列)

織田信正(信長的庶長子,津田信廣嘅養子)
織田信忠(信長的嫡長子)
北畠信雄北畠具教的養子)
神戶信孝神戶具盛的養子)
羽柴秀勝羽柴秀吉的養子)
津田勝長(先後係遠山景任武田信玄嘅養子)
織田信秀
織田信高
織田信吉
織田信貞
織田信好
織田長次 信長嘅仔

冬姬
五德
秀子
永姬
鶴姬
三之丸殿 信長嘅女

織田秀信(織田信忠之子)
織田秀則(織田信忠之子)
織田秀雄(織田信雄之子) 信長嘅孫子

勝龍院殿 信長嘅養女

津田信澄 信長嘅姪子

信長公記 織田信長 參考史料

相關創作

山岡莊八:織田信長
風卷絃一:織田信長
司馬遼太郎:國盜物語 小說

<信長戰記>
戰國奇譚妖刀傳
犬夜叉
鬼眼狂刀KYO
信長﹙原題:TENKA FUBU 信長﹚ 長手由佳著
信長 原作:工藤かずや 作畫:池上遼一 動漫畫

戲劇

影武者
戰國自衛隊1549 電視劇