牙鷹洲(英文名叫做Nga Ying Chau或者無乜用嘅Cap Island)係香港青衣島東北角，原本係一個島，同青衣島隔住個叫門仔塘嘅避風塘。個島又同荃灣隔住個藍巴勒海峽。響1980年代，中間個塘就填鬼埋，呢個島就同青衣島連埋，而新填地就用來發展青衣島上面個新市鎮。個島近海峽一直都有油庫，後尾個油庫搬走，家下塊地連個山變成一個私人屋苑灝景灣。牙鷹洲個名，重保留響佢西面嘅牙鷹洲街。