香港中文大學（Chinese University of Hong Kong）簡稱中文大學、中大、CU或者CUHK，係香港嘅一間大學，校園喺新界沙田馬料水，九廣鐵路大學站側。1963年創校，由三間書院夾埋組成——崇基書院（1951年創立）、新亞書院（1949年創立）、聯合書院（1956年創立），之後又加入逸夫書院（1986年創立），未來仲會加入晨興書院同埋善衡書院兩間書院。現任校長劉遵義教授，副校長楊綱凱教授、廖柏偉教授、鄭振耀教授、程伯中教授。學生總人數（以2006年3月31日計算）18,642人，圖書館藏書量（截至2005年12月31日）1,916,426 冊。2007年1月1日開始，一星期返五日學 。